ՀՀ արդարադատության նախարարությունն ու Ժողովրդավարության զարգացման հիմնադրամը քննարկել են Հռոմի ստատուտի հետվավերացման գործընթացը
2 րոպեի ընթերցում
![ՀՀ արդարադատության նախարարությունն ու Ժողովրդավարության զարգացման հիմնադրամը քննարկել են Հռոմի ստատուտի հետվավերացման գործընթացը](http://armenpress.am/resized/480/storage/images/articles/2024/08/23/cHWbJIuiXDTnfEeGwwIT5l1EA5DLpu3wYjmZgojG.webp)
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Հայաստանի Հանրապետության արդարադատության նախարարության գլխավոր քարտուղար Սիրվարդ Գևորգյանն ընդունել է Ժողովրդավարության զարգացման հիմնադրամի ծրագրերի ավագ ղեկավար Տաթևիկ Խաչատրյանին ու «Արդարադատություն և մարդու իրավունքներ» ծրագրերի ղեկավար Արփի Հարությունյանին:
Ինչպես «Արմենպրես»-ը տեղեկանում է Արդարադատության նախարարության տարածած հաղորդագրությունից, հիմնադրամի գործընկերները ներկայացրել են ԱՄՆ Միջազգային զարգացման գործակալության կողմից ֆինանսավորվող ծրագիրը, որը կնպաստի Հռոմի կանոնադրության գործիքակազմերի պատշաճ կիրառման ապահովմանը:
Նախատեսվում է նաև ձևավորել պլատֆորմ՝ ապահովելու քաղաքացիական հասարակության և պետական մարմինների միջև համագործակցության արդյունավետությունը:
Սիրվարդ Գևորգյանը բարձր է գնահատել Հռոմի կանոնադրության հետվավերացման գործընթացում քաղաքացիական հասարակության ներգրավվածությունը և ներկայացրել է հետվավերացման փուլում Արդարադատության նախարարության համակարգմամբ իրականացված աշխատանքները, ինչպես նաև առկա համագործակցությունը միջազգային ու ներպետական մյուս գործընկերների հետ:
Սիրվարդ Գևորգյանը նաև նշել է, որ Միջազգային քրեական դատարանի հետ համագործակցությունը կարգավորող օրենքի նախագծի վերաբերյալ ակնկալվում է առաջիկայում ստանալ հենց դատարանի դիտարկումները:
Կողմերը քննարկել են հետագա համատեղ քայլերը և պայմանավորվածություն ձեռք բերել նախանշված ուղղություններով համագործակցության իրականացման վերաբերյալ: