«ՀՀ վարչապետի գավաթ» սիրողական լողի մրցաշարի մասնակցության վերաբերյալ ստացվել է բանավոր բողոք. ընթանում է ուսումնասիրություն
1 րոպեի ընթերցում
ԵՐԵՎԱՆ, 19 ՕԳՈՍՏՈՍԻ, ԱՐՄԵՆՊՐԵՍ: «ՀՀ վարչապետի գավաթ» սիրողական լողի 2024 թվականի մրցաշարի մասնակցության վերաբերյալ ստացվել է բանավոր բողոք: «Արմենպրես»-ի փոխանցմամբ՝ այս մասին հայտնում են Հայաստանի Հանրապետության կրթության, գիտության, մշակույթի և սպորտի նախարարությունից, նշելով, որ դրա շուրջ ներկայում ընթանում է ուսումնասիրություն, առաջիկայում արդյունքների մասին հանրությանը կտեղեկացվի:
Նախարարությունից ընդգծում են, որ որևէ հաղթողի դեռևս չի տրամադրվել համապատասխան դրամական խրախուսում՝ մինչև հարցի վերջնական պարզաբանումը: