Սերբիան աշնանը Ռուսաստանից ակնկալում է բնական գազի մատակարարումների նոր բանակցություններ
1 րոպեի ընթերցում
![Սերբիան աշնանը Ռուսաստանից ակնկալում է բնական գազի մատակարարումների նոր բանակցություններ](http://armenpress.am/resized/480/storage/images/articles/2024/08/17/0lPRFDlHIDJ0Ro5NwJVH1D9XZwMdrSdgDtBmvpWh.webp)
ԵՐԵՎԱՆ, 17 ՕԳՈՍՏՈՍԻ, ԱՐՄԵՆՊՐԵՍ: Սերբիայի իշխանություններն ակնկալում են Ռուսաստանից բնական գազի մատակարարումների նոր բանակցություններ և առավել բարենպաստ պայմաններ աշնանը:
«Արմենպրես»-ի հաղորդմամբ՝ ինչպես հայտնում է «ՌԻԱ Նովոստի»-ն՝ այս մասին ասել է Սերբիայի փոխվարչապետ Ալեքսանդր Վուլինը։
Սերբիայի փոխվարչապետն օգոստոսի 12-15-ը աշխատանքային այցով եղել է Ռուսաստանում, որի ընթացքում զրույց է ունեցել ՌԴ էներգետիկայի նախարար Սերգեյ Ցիվիլևի հետ։
«Արտոնյալ գներով գազի մատակարարման մեր պայմանագրի ժամկետը լրանում է հաջորդ տարվա մայիսին: Եվ մենք խոսեցինք սեպտեմբերին երկարաձգման մասին բանակցություններ սկսելու մասին, քանի որ սպասելու առիթ չկա: Ակնկալում ենք, որ համաձայնագիրը կերկարաձգվի, կստանանք լավագույն և բարենպաստ պայմաններ»,-ասել է փոխվարչապետ Վուլինը սերբական լրատվամիջոցի եթերում: