ՀՀ ԱԳ նախարարը Ազգային տոնի առթիվ շնորհավորել է Լիխտենշտեյնի իր գործընկերոջը

ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ։ Հայաստանի Հանրապետության արտաքին գործերի նախարար Արարատ Միրզոյանը Լիխտենշտեյնի Ազգային օրվա կապակցությամբ շնորհավորել է իր գործընկեր Դոմինիկ Հասլերին։ 

«Արմենպրես»-ի փոխանցմամբ՝ այս մասին ՀՀ ԱԳ նախարարը նշել է X-ի իր միկրոբլոգում կատարած գրառման մեջ։

«Լավագույն մաղթանքներս եմ հղում Դոմինիկ Հասլերին՝ ակնկալելով Հայաստան-Լիխտենշտեյն երկխոսությունը և համագործակցությունը զարգացնելու հետագա նոր առիթներ», - իր գրառման մեջ նշել է ՀՀ ԱԳ նախարարը:

I send my best wishes to @DominiqueHasler looking forward to new occasions to further develop 🇦🇲-🇱🇮 dialogue & cooperation! https://t.co/vHCZY9K3sQ pic.twitter.com/1nwXRXV5Rv

— Ararat Mirzoyan (@AraratMirzoyan) August 15, 2024

Ավելի վաղ, մեկ այլ գրառմամբ՝ Լիխտենշտեյնի Ազգային օրվա առթիվ շնորհավորական ուղերձ է հղել ՀՀ արտաքին գործերի նախարարությունը։

«Մեր ամենաջերմ շնորհավորանքները Լիխտենշտեյնի կառավարությանն ու ժողովրդին՝ Ազգային տոնի առթիվ։ Մաղթում ենք շարունակական բարգավաճում և անհամբեր սպասում ենք մեր համագործակցության խորացմանը», - նշել է ՀՀ ԱԳ նախարարությունը: