Մոգադիշոյում ահաբեկչական պայթյունի հետևանքով շուրջ 30 մարդ զոհվել է
1 րոպեի ընթերցում
![REUTERS/Feisal Omar](http://armenpress.am/resized/480/storage/images/articles/2024/08/03/Sx6IBvGfXiApPSpCpqDNkEW0BDbJQXr4sPOF9yMJ.webp)
ԵՐԵՎԱՆ, 3 ՕԳՈՍՏՈՍԻ, ԱՐՄԵՆՊՐԵՍ։ Սոմալիի մայրաքաղաք Մոգադիշոյի Beach View և Pescatore հյուրանոցների հարակից լողափի մոտ մահապարտ ահաբեկիչն ինքն իրեն պայթեցրել է։ «Արմենպրես»-ի հաղորդմամբ՝ այս մասին հայտնում են տեղական լրատվամիջոցները։
Նախնական տվյալներով՝ պայթյունի հետևանքով զոհվել է շուրջ 30 մարդ։ Նշվում է, որ պայթյունը իրականացվել է այն ժամանակ, երբ լողափում շատ մարդիկ են եղել։
Ըստ տեղական լրատվամիջոցների՝ պայթյունից հետո մոտակայքում հրաձգություն է սկսվել, հրաձգության ձայներ են լսվել նաև հյուրանոցներից մեկի ներսում։
Հարձակման պատասխանատվությունը ստանձնել է «Աշ Շաբաբ» արմատական իսլամիստական խմբավորումը։