Սուբվենցիոն ծրագրի շրջանակներում վերանորոգվել է Այգեշատի մանկապարտեզը․ վարչապետ
1 րոպեի ընթերցում
![Սուբվենցիոն ծրագրի շրջանակներում վերանորոգվել է Այգեշատի մանկապարտեզը․ վարչապետ](http://armenpress.am/resized/480/storage/images/articles/2024/07/26/HyGH7hMw8bbF1SLwaWgBmkv4wanCJhpPWJuvIwOD.webp)
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ։ Արմավիրի մարզ կատարած այցի շրջանակներում վարչապետ Նիկոլ Փաշինյանը ծանոթացել է Այգեշատ համայնքի Երիտասարդական և Մայիսյան փողոցների ասֆալտապատման աշխատանքներին։ «Արմենպրես»-ի հաղորդմամբ՝ այս մասին վարչապետը գրել է «Ֆեյսբուք»-ի իր էջում։
«Այգեշատում սուբվենցիոն ծրագրով ընթացքի մեջ են Երիտասարդական և Մայիսյան փողոցների ասֆալտապատման աշխատանքները:
Ծրագրի արժեքը 82 մլն դրամ է, որից 28 մլն դրամը հատկացրել է Կառավարությունը:
Նույն բնակավայրում կրկին սուբվենցիոն ծրագրով վերանորոգվել է մանկապարտեզը:
Աշխատանքների ընդհանուր արժեքը 51 մլն դրամ է, որից 35 մլն դրամը հատկացվել է պետական բյուջեից: Մանկապարտեզը նախատեսված է 90 երեխայի համար»,- գրել է վարչապետը։