Եթովպիայում սողանքների զոհերի թիվ, ըստ ՄԱԿ-ի, կարող է հասնել 500-ի
1 րոպեի ընթերցում
![Եթովպիայում սողանքների զոհերի թիվ, ըստ ՄԱԿ-ի, կարող է հասնել 500-ի](http://armenpress.am/resized/480/storage/images/articles/2024/07/25/nWYDNDGgSHIw4dXrr3xXkbkiiYYHGGC6bwXspme1.webp)
ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ։ Եթովպիայում օրերս տեղի ունեցած սողանքների զոհերի թիվը հասել է 257-ի, սակայն այդ թիվն, ըստ ՄԱԿ-ի հումանիտար հարցերի համակարգման վարչության, կարող է աճել՝ հասնելով 500-ի։ «Արմենպրես»-ի փոխանցմամբ՝ այս մասին հաղորդում է Reuters գործակալությունը։
Հարավային Եթովպիայի նահանգի Գոֆայի գոտում հորդառատ անձրևներից հետո հուլիսի 21-ի գիշերը սողանք էր տեղի ունեցել՝ բազմաթիվ մարդկանց թողնելով հողի շերտի տակ։ Այնուհետև՝ հուլիսի 22-ի առավոտյան, երբ մարդիկ հավաքվել էին մյուսներին օգնության, տեղի էր ունեցել երկրորդ սողանքը։