Պաղեստինյան խմբավորումները Չինաստանում հռչակագիր են ստորագրել՝ ուղղված տարաձայնությունների լուծմանը

ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ։ Պաղեստինյան մի շարք խմբավորումներ համաձայնել են հարթել տարաձայնություններն ու մեծացնել պաղեստինյան միասնությունը և Պեկինում համապատասխան հռչակագիր են ստորագրել։ «Արմենպրես»-ի փոխանցմամբ՝ այս մասին հաղորդում է Reuters գործակալությունը։

Նշվում է, որ ըստ Չինաստանի պետական ԶԼՄ-ների՝ hռչակագիրը ստորագրվել է հուլիսի 21-23-ը Պեկինում պաղեստինյան խմբավորումների միջև հաշտեցման երկխոսության փակման արարողությունից հետո։ 

Հանդիպումից հետո կայացած մամուլի ասուլիսին մասնակցել են պաղեստինյան 14 խմբավորումներ, այդ թվում՝ ՖԱԹՀ և ՀԱՄԱՍ հակառակորդ խմբերը, ինչպես նաև Չինաստանի վարչապետ Վան Ին։ 

ՖԱԹՀ-ը և ՀԱՄԱՍ-ը Չինաստանում հանդիպում էին ունեցել նաև ապրիլին՝ քննարկելու հաշտեցման ջանքերը և վերջ դնելու շուրջ 17 տարվա տարաձայնություններին։