Արարատ Միրզոյանը շնորհավորել է էստոնացի գործընկերոջը ԱԳ նախարարի պաշտոնում վերընտրվելու առթիվ

ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ։ Հայաստանի Հանրապետության արտաքին գործերի նախարար Արարատ Միրզոյանը շնորհավորել է Մարգուս Ցահքնային՝ Էստոնիայի արտգործնախարարի պաշտոնում վերընտրվելու կապակցությամբ։

«Արմենպրես»-ի հաղորդմամբ՝ այս մասին ՀՀ ԱԳ նախարարը գրառում է կատարել X-ի իր միկրոբլոգում։

Congratulations dear colleague & friend @Tsahkna on your reappointment as 🇪🇪’s foreign minister!

Appreciating already formed strong ties, I look forward to continue joint efforts, initiatives to further enhace partnership btw #Armenia & #Estonia as well as 🇦🇲’s engagement w/EU. pic.twitter.com/ZN7JytYUjL

— Ararat Mirzoyan (@AraratMirzoyan) July 22, 2024

«Շնորհավորում եմ սիրելի գործընկեր և բարեկամ Մարգուս Ցահքնային՝ Էստոնիայի ԱԳ նախարարի պաշտոնում վերընտրվելու կապակցությամբ։ 

Գնահատելով արդեն ձևավորված ամուր կապերն՝ ակնկալում եմ շարունակել համատեղ ջանքերը, նախաձեռնություններն՝ ավելի ամրապնդելու համագործակցությունը Հայաստանի և Էստոնիայի միջև, ինչպես նաև Հայաստանի ներգրավվածությունը Եվրոպական միության հետ», - նշված է Արարատ Միրզոյանի գրառման մեջ։