Սուրեն Պապիկյանը զորամասերից մեկում հետևել է սպաների հերթական խմբի ատեստավորման գործընթացին
1 րոպեի ընթերցում
![Սուրեն Պապիկյանը զորամասերից մեկում հետևել է սպաների հերթական խմբի ատեստավորման գործընթացին](http://armenpress.am/resized/480/storage/images/articles/2024/07/16/AT1LRBJmUz0tmHXCjEseafH0f7FfKkbBpX0dH6N2.webp)
ԵՐԵՎԱՆ, 16 ՀՈՒԼԻՍԻ, ԱՐՄԵՆՊՐԵՍ։ Հայաստանի պաշտպանության նախարար Սուրեն Պապիկյանը ՀՀ ՊՆ N բանակային զորամիավորում կատարած աշխատանքային այցի ընթացքում զորամասերից մեկում հետևել է զորամիավորման սպաների հերթական խմբի ատեստավորման գործընթացին:
«Արմենպրես»-ի փոխանցմամբ՝ Սուրեն Պապիկյանն այս մասին գրել է «Ֆեյսբուք»-ի իր էջում։
«Դիտարկել եմ ատեստավորման քննությունների ընթացքը, հետաքրքրվել կրակային փուլի արդյունքով:
Զորամիավորման հրամանատարին հանձնարարել եմ ավելացնել կրակային ու ֆիզիկական պատրաստության պարապմունքները՝ անձնակազմի կարողություններն առավելագույնի հասցնելու և գերազանց գնահատականի արժանանալու համար:
Այնուհետև շրջել եմ զորամասում, հետևել շարահրապարակի շինաշխատանքների ընթացքին»,- գրել է Պապիկյանը: