ՀՀ ԱԳ նախարարը բելգիացի գործընկերոջն է ներկայացրել Հայաստան-Ադրբեջան կարգավորման գործընթացը
2 րոպեի ընթերցում
![ՀՀ ԱԳ նախարարը բելգիացի գործընկերոջն է ներկայացրել Հայաստան-Ադրբեջան կարգավորման գործընթացը](http://armenpress.am/resized/480/storage/images/articles/2024/07/11/wxSp8BYBfWcOKkocwxcjbb9ceHhkQ7QO0ryCRmBQ.webp)
ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ։ Հայաստանի Հանրապետության արտաքին գործերի նախարար Արարատ Միրզոյանը Վաշինգտոն կատարած այցի շրջանակներում Բելգիայի արտաքին գործերի նախարար Հաջա Լահբիբի հետ ունեցած հանդիպման ընթացքում մտքեր է փոխանակել տարածաշրջանային խնդիրների շուրջ և համառոտ կերպով ներկայացրել Հայաստան-Ադրբեջան կարգավորման գործընթացը։
«Արմենպրես»-ի հաղորդմամբ՝ Արարատ Միրզոյանն այս մասին հայտնել է X-ի իր միկրոբլոգում կատարած գրառման մեջ։
«Ինչպես միշտ, հաճելի հանդիպում ունեցա իմ գործընկեր Հաջա Լահբիբի հետ։ Հետաքրքիր զրույց ունեցանք Հայաստան-Բելգիա կապերն ավելի ընդլայնելու ուղիների և Հայաստանի ու Եվրոպական միության գործընկերության մասին։ Մենք գնահատում ենք այն, ինչին հասել ենք և ներգրավված ենք ավելիի համար», - գրել է Միրզոյանը՝ հավելելով, որ հանդիպման ընթացքում քննարկվել են նաև տարածաշրջանային հարցեր, ինչպես նաև Երևանի և Բաքվի միջև ընթացող խաղաղության գործընթացը:
As always, pleasure meeting w/my 🇧🇪counterpart @hadjalahbib. Enjoyed interesting conversation on ways to further enhance #Armenia-#Belgium ties & ’s partnership w/#EU. We value what we have achieved & engage for more.
— Ararat Mirzoyan (@AraratMirzoyan) July 11, 2024
Exchanged on regional issues, briefed on ARM-AZ process. pic.twitter.com/8Tnzx2lwE2