1 րոպեի ընթերցում
ԵՐԵՎԱՆ, 10 ՀՈՒԼԻՍԻ, ԱՐՄԵՆՊՐԵՍ: Ֆուտբոլի Ամերիկայի գավաթի խաղարկության եզրափակիչ փուլի առաջին մասնակիցն Արգենտինան է:
«Արմենպրես»-ի հաղորդմամբ` ԱՄՆ-ում ընթացող «Copa America»-ի կիսաեզրափակչի առաջին խաղում Արգենտինան մրցեց Կանադայի հետ և առավելության հասավ 2:0 հաշվով: Արգենտինացիների կազմում գոլերը խփել են Խուլիան Ալվարեսը և Լիոնել Մեսին:
Կիսաեզրափակիչ մյուս խաղում` հուլիսի 11-ին, միմյանց դեմ կմրցեն Ուրուգվայը և Կոլումբիան:
Եզրափակիչը կկայանա հուլիսի 15-ի գիշերը: