Հայաստան

Լողամիջոցը ոչ սթափ վիճակում վարելու դեպքում սահմանվում է տուգանք․ ուժեղացված ծառայություն՝ Սևանում

3 րոպեի ընթերցում

Լողամիջոցը ոչ սթափ վիճակում վարելու դեպքում սահմանվում է տուգանք․ ուժեղացված ծառայություն՝ Սևանում

ԵՐԵՎԱՆ, 4 ՀՈՒԼԻՍԻ, ԱՐՄԵՆՊՐԵՍ։ Սևանում լողափնյա սեզոնի բացմանը զուգահեռ փրկարարներն ու ջրային պարեկներն իրականացնում են ուժեղացված ծառայություն։ «Արմենպրես»-ի մամուլի սրահում հրավիրված ասուլիսում ՀՀ ՆԳՆ Փրկարար ծառայության Գեղարքունիքի մարզային փրկարարական վարչության հատուկ ջրափրկարարական ջոկատի հրամանատար, փրկարար ծառայության փոխգնդապետ Արմեն Ճզմաչյանը նշեց, որ հուլիսի 1-ից 24-ժամյա հերթապահություն են իրականացնելու հանրային լողափերում։  

«Տեղադրվել են ջրափրկարարական հենակետեր, տեղափոխվել է ջրափրկարարական գույք, սարքավորումներ։ Լողամիջոցներով պարբերաբար իրականացվում են շրջայցեր, բարձրախոսներով իրազեկում ենք քաղաքացիներին, որ զգոն լինեն և անվտանգության կանոններին հետևեն։ Նախորդ տարի լողափնյա սեզոնին Սևանում եղել է ջրահեղձման 6 դեպք, այս տարի՝ 1 դեպք։ Փորձը ցույց է տալիս, որ մեր քաղաքացիները ոչ միշտ են հետևում անվտանգության կանոններին, ալկոհոլ օգտագործած մտնում են ջուրը։ Մեր հորդորն է լինել ուշադիր ու ականջալուր լինել փրկարարների հորդորներին»,-ասաց Արմեն Ճզմաչյանը։ 

Այս տարի ջրափրկարարներին միանալու են նաև ջրային պարեկները։ Առաջին անգամ Սևանում ծառայություն են իրականացնելու ջրային պարեկները, որոնք ոչ միայն հսկելու, այլև անհրաժեշտության դեպքում տուգանելու են։ ՀՀ ՆԳՆ ոստիկանության պարեկային ծառայության վարչական գործերի և դատական պաշտպանության վարչության պետ, ոստիկանության փոխգնդապետ Հայկ Վարդանյանը տեղեկացրեց, որ պատասխանատվության միջոցներ են նախատեսված մի քանի ուղղություններով։  

«Լողամիջոցը ոչ սթափ վիճակում վարելու կամ սթափության վիճակը որոշելու համար ստուգումից խուսափելու համար սահմանված է 30 000 դրամ։ 10 հազար դրամ տուգանք է սահմանված չգրանցված կամ տեխնիկական անսարքություններ ունեցող լողամիջոցները շահագործելու կամ առանց կողային համարների լողամիջոց վարելու դեպքում։ Առանց նավավարման իրավունքի վկայականի լողամիջոց վարելու կամ լողամիջոցի վարումը նավավարման իրավունքի վկայական չունեցող անձին հանձնելու դեպքում կնշանակվի տուգանք 20000 դրամի չափով»,-ասաց Հայկ Վարդանյանը։ 

Օրենքով արգելվում է լողամիջոցը շահագործել առանց սահմանված փաստաթղթերի։ Չի թույլատրվում հանգստյան գոտիներում լողալու համար նախատեսված վայրերում լողամիջոցներ վարելը։ Այս դեպքում ջրային պարեկները կտուգանեն 50 000 դրամ։ 

Լողամիջոցները ենթակա են հաշվառման ՀՀ տարածքային կառավարման և ենթակառուցվածքների նախարարությունում։ Հաշվառման ենթակա չեն փչովի նավակները, հեծանվային նավակները, ջրացիկլները, սակայն տեխնիկական փորձաքննության պահանջները վերաբերում են բոլոր ջրային փոխադրամիջոցներին։   

ՀՀ վարչապետը Լոնդոնում մասնակցել է «Պաշտպանելով և ապահովելով ժողովրդավարությունը» խորագրով կլոր-սեղան քննարկմանը

Եվրոպա

ՀՀ վարչապետը Լոնդոնում մասնակցել է «Պաշտպանելով և ապահովելով ժողովրդավարությունը» խորագրով կլոր-սեղան քննարկմանը

Հոկտեմբերին կմեկնարկի նոր ձևավորվող Քրեական ոստիկանության ծառայությունը․ ՆԳ նախարարի տեղակալ

Հայաստան

Հոկտեմբերին կմեկնարկի նոր ձևավորվող Քրեական ոստիկանության ծառայությունը․ ՆԳ նախարարի տեղակալ

Սուրեն Պապիկյանն ու  Վասիլիս Մարագոսը քննարկել են Հայաստան-ԵՄ գործընկերության համատեքստում պաշտպանության բնագավառում համագործակցությունը

Հայաստան

Սուրեն Պապիկյանն ու Վասիլիս Մարագոսը քննարկել են Հայաստան-ԵՄ գործընկերության համատեքստում պաշտպանության բնագավառում համագործակցությունը

2024-2026 թվականների Ոստիկանության բարեփոխումների ծրագիրը կօգնի անձնակազմի համար գրագետ կրթություն ապահովել. Արփինե Սարգսյան

Իրավունք

2024-2026 թվականների Ոստիկանության բարեփոխումների ծրագիրը կօգնի անձնակազմի համար գրագետ կրթություն ապահովել. Արփինե Սարգսյան

Ոլորտային խնդիրների լուծման շուրջ աշխատանքեր են տարվում. Մխիթար Հայրապետյանն այցելել է Ucom ընկերություն

Հայաստան

Ոլորտային խնդիրների լուծման շուրջ աշխատանքեր են տարվում. Մխիթար Հայրապետյանն այցելել է Ucom ընկերություն

Երևանում մի շարք փողոցներ ժամանակավորապես փակ կլինեն

Հայաստան

Երևանում մի շարք փողոցներ ժամանակավորապես փակ կլինեն

Նիկոլ Փաշինյանը ներկա է գտնվել Եվրոպական քաղաքական համայնքի 4-րդ գագաթնաժողովի բացմանը

Քաղաքականություն

Նիկոլ Փաշինյանը ներկա է գտնվել Եվրոպական քաղաքական համայնքի 4-րդ գագաթնաժողովի բացմանը

Հայաստանի և Վրաստանի առողջապահության նախարարներն ընդգծել են դեղերի գների քաղաքականությունը պարբերաբար վերանայելու անհրաժեշտությունը

Վրաստան

Հայաստանի և Վրաստանի առողջապահության նախարարներն ընդգծել են դեղերի գների քաղաքականությունը պարբերաբար վերանայելու անհրաժեշտությունը

Տեղի է ունեցել ՀՀ վարչապետի և Ֆինլանդիայի նախագահի հանդիպումը

Քաղաքականություն

Տեղի է ունեցել ՀՀ վարչապետի և Ֆինլանդիայի նախագահի հանդիպումը

Ադրբեջանը մերժել է Լոնդոնում Փաշինյան-Ալիև հանդիպում անցկացնելու՝ հայկական կողմի առաջարկը

Քաղաքականություն

Ադրբեջանը մերժել է Լոնդոնում Փաշինյան-Ալիև հանդիպում անցկացնելու՝ հայկական կողմի առաջարկը

Արվեստը ժամանակի սահմաններից դուրս. Նկարիչների միությունում կբացվի Հաղթանակ Շահումյանի 80-ամյակին նվիրված ցուցահանդեսը

Մշակույթ

Արվեստը ժամանակի սահմաններից դուրս. Նկարիչների միությունում կբացվի Հաղթանակ Շահումյանի 80-ամյակին նվիրված ցուցահանդեսը

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում