ՀՀ վարչապետն ու ԱՄՆ կոնգրեսականները կարևորել են երկու երկրների միջև տարբեր ուղղություններով կապերի խորացումը

2 րոպեի ընթերցում

ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ: Հայաստանի Հանրապետության վարչապետ Նիկոլ Փաշինյանն ընդունել է ԱՄՆ սենատոր Ռոջեր Ուիքերի գլխավորած կոնգրեսական պատվիրակությանը: 

Ինչպես «Արմենպրես»-ը տեղեկանում է ՀՀ վարչապետի աշխատակազմի տարածած հաղորդագրությունից, Նիկոլ Փաշինյանը ողջունել է կոնգրեսականների այցը Հայաստան և գոհունակություն հայտնել Հայաստան-ԱՄՆ հարաբերությունների դինամիկ զարգացման բնույթից:  Նիկոլ Փաշինյանն ընդգծել է վերջերս Երևանում անցկացված Հայաստան-ԱՄՆ ռազմավարական երկխոսության նիստի անցկացման կարևորությունը և համոզմունք հայտնել, որ երկկողմ համագործակցությունը կշարունակի զարգանալ ու ամրապնդվել: 

Վարչապետը նշել է, որ ԱՄՆ-ն արդյունավետ աջակցությունն է ցուցաբերում մեր երկրում ժողովրդավարական բարեփոխումների առաջմղմանը՝ հավելելով, որ ՀՀ կառավարության համար ժողովրդավարության զարգացումն ունի ռազմավարական նշանակություն:

Զրուցակիցները կարևորել են երկու երկրների միջև քաղաքական, տնտեսական, էներգետիկ և այլ ուղղություններով կապերի ընդլայնումն ու խորացումը, և այդ առումով ընդգծել միջկառավարական ու միջխորհրդարանական ակտիվ երկխոսության անհրաժեշտությունը: 

Անդրադարձ է կատարվել Հայաստանում ժողովրդավարական ինստիտուտների զարգացման, կոռուպցիայի դեմ պայքարի ուղղությամբ ՀՀ կառավարության քայլերին: Մտքեր են փոխանակվել Հայաստանի և Ադրբեջանի միջև խաղաղության պայմանագրի վերաբերյալ տեղի ունեցող քննարկումների, ՀՀ կառավարության «Խաղաղության խաչմերուկ» նախագծի, տարածաշրջանում տեղի ունեցող գործընթացների և երկուստեք հետաքրքրություն ներկայացնող այլ հարցերի շուրջ: 

 

Հայերեն العربية Español فارسی Français ქართული Русский Türkçe

Պետեր Սիյարտոն ԱՄՆ-ի հետ խորհրդակցությունների հիմնական թեմա է անվանել Ուկրաինայի կարգավորումը

Մեր խնդիրն է ՀՀ շահերի սպասարկումը պահել հավասարակշիռ վիճակում. վարչապետը ներկա է գտնվել Դիվանագետի օրվան նվիրված միջոցառմանը

Բարսելոնայում ավտոբուսների վթարի հետևանքով տուժել է ավելի քան 30 մարդ

Դադարեցվել է Վայոց ձորի մարզի Շատին բնակավայրում գործող բենզալցակայանի, գազի  լցակայանի գործունեությունը

Brent-ը մեկ բարելի դիմաց թանկացել է մինչև 72,94 դոլար

Ճապոնիայի ԱԳ նախարարին արգելել են մուտք գործել Ռուսաստան

Բրիտանիան հանդես է եկել Ուկրաինա զինվորականներ ուղարկելու օգտին

ՔՊ խմբակցությունը թեկնածություններ է առաջադրել Հաշվեքննիչ պալատի անդամի և առողջապահության հանձնաժողովի նախագահի տեղակալի պաշտոնների համար

ՄԱԿ Մարդու իրավունքների Բարձր հանձնակատարը պահանջել է Ադրբեջանում կամայականորեն պահվող հայերի անհապաղ ազատ արձակումը

Աշնակ գյուղի խաչմերուկում վրաերթի ենթարկված քաղաքացին մահացել է