Նիգերի հարավ-արևմուտքում զինյալների հարձակման հետևանքով ավելի քան 20 մարդ է զոհվել
1 րոպեի ընթերցում
![Նիգերի հարավ-արևմուտքում զինյալների հարձակման հետևանքով ավելի քան 20 մարդ է զոհվել](http://armenpress.am/resized/480/storage/images/articles/2024/06/26/gpAAiWbcjDwGSVK4lPKmHZ6GuGGd9jwnQlwzsfkA.webp)
ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: Նիգերի հարավ-արևմուտքում զինյալների հարձակման հետևանքով ավելի քան 20 մարդ է զոհվել, ևս ինը՝ վիրավորվել։ Ինչպես փոխանցում է «Արմենպրես»-ը, այդ մասին հայտնում է AFP-ն։
Ըստ AFP-ի տվյալների՝ միջադեպը տեղի է ունեցել Թիլաբերիի տարածաշրջանի Թերայի դեպարտամենտում։ Զինված ահաբեկչական խմբավորումների կողմից իրականացված հարձակման զոհ է դարձել 20 զինծառայող և 1 խաղաղ բնակիչ:
Երկրում եռօրյա սուգ է հայտարարվել զոհվածների հիշատակին։
Նիգերի հարավ-արևմտյան մարզերը, որոնք գտնվում են Մալիի և Բուրկինա Ֆասոյի հետ սահմանների մերձակայքում, արդեն առաջին տարին չէ, որ մնում են ծայրահեղական և ահաբեկչական խմբավորումների ակտիվության գոտի: