Մշակույթ

Երևանի մնջախաղի պետական թատրոնը հանդես է գալիս 3 առաջնախաղով

3 րոպեի ընթերցում

Երևանի մնջախաղի պետական թատրոնը հանդես է գալիս 3 առաջնախաղով

ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ։ «Ոսկոր», «Սգացող կանայք», «Խալի»․ Երևանի մնջախաղի պետական թատրոնը հանդես է գալիս 3 առաջնախաղով։ Պրեմիերան կկայանա հուլիսի 1-ին՝ 20։00-ին, Կ․ Ստանիսլավսկու անվան դրամատիկական թատրոնում։ 

Միմյանց հետ սյուժետային կապ չունեցող ներկայացումներ են, սակայն ունեն մեկ ընդհանրություն՝ կինը։ Բեմադրող խորեոգրաֆը ներկայացումների հիմքում դրել է կնոջ կերպարը՝ բացահայտելով նրան տարբեր իրավիճակներում։ «Արմենպրես»-ի մամուլի սրահում հրավիրված ասուլիսում բեմադրող խորեոգրաֆ, «Պարարվեստի զարգացման» կրթամշակութային հիմնադրամի հիմնադիր տնօրեն, Երևանի պարարվեստի պետական քոլեջի ժամանակակից պարերի բաժնի հիմնադիր վարիչ Ռիմա Պիպոյանը նշեց, որ ներկայացումներում ընդգրկված են երիտասարդ պարողներ։ 

«Երիտասարդ պարողներին ներգրավելու առաջարկը եղավ Երևանի մնջախաղի պետական թատրոնի տնօրեն Մանվել Խաչատրյանից։ Դա շատ կարևոր է, որովհետև լավ հնարավորություն է նրանց համար։ Արդեն 4-րդ տարին է Երևանի պարարվեստի պետական քոլեջում գործում է մոդերն պար բաժինը և արդեն ունեն սերունդ, որը հարթակ քիչ է ունենում իր գործունեությունը շարունակելու համար։ Սա շատ լավ առիթ է հնարավորություն տալ ներկայանալու պրոֆեսիոնալ բեմահարթակից»,-ասաց Ռիմա Պիպոյանը։ 

Երևանի մնջախաղի պետական թատրոնի տնօրեն Մանվել Խաչատրյանը նշեց, որ իրենց դերասաններից մասնակցություն չունեն այս ներկայացումներին։ Սա համագործակցություն է, որի նպատակն է մնջախաղի թատրոնն այլ գույներով ներկայացնելը։ 

«Չկենտրոնանանք միայն մնջախաղի վրա, այլ օգտագործենք մարմնի լեզվի բոլոր տեսակները։ Ես երազանք ունեմ, որ մեր թատրոնը լինի համաշխարհային մակարդակով մրցունակ և կարծում եմ, որ այս համագործակցությունը կտա իր համաշխարհային պտուղները։ Արդեն տալիս է, որովհետև Փարիզից արդեն կա հրավեր այնտեղ կայանալիք փառատոնին այս ներկայացումներով հանդես գալու համար»,-ասաց Մանվել Խաչատրյանը։ 

Երևանի մնջախաղի պետական թատրոնն այս տարվա ընթացքում հանդիսատեսի համար ևս ունենալու է անակնկալներ։ Աշնանը թատրոնը հանդես կգա 2 նոր ներկայացմամբ։ Հանդիսատեսի դատին կհանձնի «Կոմիտաս» ներկայացումը, որի հեղինակն ու ռեժիսորը Արսեն Խաչատրյանն է։ Կոմիտասի կերպարը մարմնավորելու է թատրոնի առաջատար դերասան Կարեն Խաչատրյանը։ 

Կրթության, գիտության, մշակույթի և սպորտի նախարարության աջակցությամբ թատրոնը հանրության դատին կհանձնի նաև «Փարաջանով» ներկայացումը։ Մանվել Խաչատրյանը տեղեկացրեց, որ այս ներկայացումը խաղալու են հենց Սերգեյ Փարաջանովի թանգարանում։ Երկու ներկայացումների փորձերն ընթացքի մեջ են, նախապատրաստական աշխատանքներն ակտիվ փուլում են։ 

 

Ֆասթ Բանկի աջակցությամբ կայացել է «Սիմֆոնիկ Ջեքսոն» համերգային ծրագիրը

Մշակույթ

Ֆասթ Բանկի աջակցությամբ կայացել է «Սիմֆոնիկ Ջեքսոն» համերգային ծրագիրը

Սերգեյ Փարաջանովի մասին պատմող ֆիլմը կցուցադրվի Վենետիկի կինոփառատոնում

Մշակույթ

Սերգեյ Փարաջանովի մասին պատմող ֆիլմը կցուցադրվի Վենետիկի կինոփառատոնում

Լույս է տեսել XXI դարի հայ գրականության մատենաշարի 5-րդ հատորը

Մշակույթ

Լույս է տեսել XXI դարի հայ գրականության մատենաշարի 5-րդ հատորը

Դուդուկահար Արսեն Պետրոսյանը քառասուն հազար հանդիսատեսի առջև ներկայացրել է հայկական ծիրանափողը

Մշակույթ

Դուդուկահար Արսեն Պետրոսյանը քառասուն հազար հանդիսատեսի առջև ներկայացրել է հայկական ծիրանափողը

Արտավազդ Փելեշյանի «Հավերժական լույս» լիբրետոն կհամալրի Օպերայի և բալետի ազգային թատրոնի խաղացանկը

Մշակույթ

Արտավազդ Փելեշյանի «Հավերժական լույս» լիբրետոն կհամալրի Օպերայի և բալետի ազգային թատրոնի խաղացանկը

Մեկնարկում է Երևանի կարճամետրաժ ֆիլմերի 7-րդ միջազգային կինոփառատոնը

Մշակույթ

Մեկնարկում է Երևանի կարճամետրաժ ֆիլմերի 7-րդ միջազգային կինոփառատոնը

Տրամադրության նկարչուհին. Երևանում բացվեց Արմինե Ավետիսյանի (Մանոն) «Էմոցիոնալ փոթորիկ» ցուցահանդեսը

Մշակույթ

Տրամադրության նկարչուհին. Երևանում բացվեց Արմինե Ավետիսյանի (Մանոն) «Էմոցիոնալ փոթորիկ» ցուցահանդեսը

ԱՄՆ-ում կյանքից հեռացել է օպերային երգչուհի Աննա Նշանյանը

Մշակույթ

ԱՄՆ-ում կյանքից հեռացել է օպերային երգչուհի Աննա Նշանյանը

Վանաձորի թատրոնը նոր ներկայացման առաջնախաղը կազմակերպել է Կառլոս Աբովյանի անվան կերպարվեստի թանգարանում

Մշակույթ

Վանաձորի թատրոնը նոր ներկայացման առաջնախաղը կազմակերպել է Կառլոս Աբովյանի անվան կերպարվեստի թանգարանում

Նյու Դելիում ցուցադրվել են Հնդկաստանում գործունություն ծավալած հայ նկարչի գործերը

Մշակույթ

Նյու Դելիում ցուցադրվել են Հնդկաստանում գործունություն ծավալած հայ նկարչի գործերը

Չորրորդ Full Moon Fest փառատոնը Երևանում հյուրընկալեց հանրահայտ արտիստների

Մշակույթ

Չորրորդ Full Moon Fest փառատոնը Երևանում հյուրընկալեց հանրահայտ արտիստների

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում