Երևանի օպերային թատրոնի առաջատար պարողները հաղթել են միջազգային մրցույթում

ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ:  Ալ. Սպենդիարյանի անվան օպերայի և բալետի ազգային ակադեմիական թատրոնի առաջատար պարողներ Րաֆֆի Գալստյանն ու Գոռ Սարգսյանը հաղթանակով են վերադառնում հայրենիք:  

«Արմենպրես»-ի հաղորդմամբ՝ օպերային թատրոնից հայտնում են, որ պարողներն այս օրերին Իտալիայի Ռիմինի քաղաքում մասնակցում էին International Ballet Competition-Dancing Italy մրցույթին: 

Պրոֆեսիոնալ ժյուրին 1-ին պատվավոր մրցանակը կիսել է հայ արտիստների միջև: Արտիստները նաև ստացել են հատուկ հրավեր՝ մասնակցելու  փորձի փոխանակման մի շարք ծրագրերի: