Զելենսկին որոշում է ընդունել Ուկրաինայի ԶՈՒ միացյալ ուժերի հրամանատարին փոխարինելու վերաբերյալ
1 րոպեի ընթերցում
ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Ուկրաինայի նախագահ Վլադիմիր Զելենսկին որոշում է ընդունել Ուկրաինայի ԶՈՒ միացյալ ուժերի հրամանատար, գեներալ-լեյտենանտ Յուրի Սոդոլին փոխարինելու վերաբերյալ։
«Արմենպրես»-ի հաղորդմամբ՝ այս մասին Վլադիմիր Զելենսկին հայտարարել է Տելեգրամի իր ալիքում՝ մանրամասնելով, որ այս պաշտոնում նրան կփոխարինի բրիգադային գեներալ Անդրեյ Գնատովը։
Ինչպես գրառման մեջ նշել է Զելենսկին՝ զինվորականների հետ հանդիպմանը քննարկվել է իրավիճակն առանցքային ոլորտներում, որի շրջանակներում անդրադարձ է կատարվել նաև Ուկրաինայի զինված ուժերում կադրային հարցերին։