Սաուդյան Արաբիան ողջունել է Պաղեստինը ճանաչելու վերաբերյալ Հայաստանի որոշումը

ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Սաուդյան Արաբիայի Թագավորության  ԱԳՆ-ն հայտարարությամբ ողջունել է Պաղեստինի Պետությունը ճանաչելու վերաբերյալ Հայաստանի Հանրապետության որոշումը:

«Արմենպրես»-ի հաղորդմամբ՝ նախարարությունը հայտարարությամբ հիշեցրել է նաև Թագավորության կոչը՝ ուղղված միջազգային հանրությանը, հատկապես Անվտանգության խորհրդի մշտական ​​անդամներին, որոնք դեռ չեն ճանաչել Պաղեստինի Պետությունը՝ շարժվել ճանաչման ճանապարհով: