Չադի զինամթերքի պահեստներից մեկում պայթյուններ են որոտացել

ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ։ Չադի մայրաքաղաք Նջամենայում զինամթերքի պահեստում գիշերը բռնկված հրդեհը մի շարք պայթյուններ է առաջացրել, հայտնել է երկրի արտաքին գործերի նախարար Կուլամալլա Աբդերամանը։ «Արմենպրես»-ի փոխանցմամբ՝ Reuters-ը հայտնում է, որ ըստ ականատեսների՝ առնվազն 1 մարդ զոհվել է, 3-ը՝ վիրավորվել։

A deadly fire erupted late Tuesday at a huge military ammunition depot in Chad's capital N'Djamena, causing weapons to fire into the air, the government and witnesses saidhttps://t.co/415F87BxKw pic.twitter.com/2YJEeLXe93

— AFP News Agency (@AFP) June 19, 2024

Լրատվամիջոցները հրապարակել են լուսանկարներ, որոնցում երևում են մարդկանց տների վրա ընկած արկերը: Ըստ բնակիչներից մեկի՝ իր խանութպան հարևանը զոհվել է արկի հարվածից: Երեք վիրավորներից երկուսին հիվանդանոց են հասցրել մոտոցիկլետներով։ 

Ականատեսներից մեկը Reuters-ին հայտնել է, որ մոտ մեկ ժամ շարունակ պայթյուններ էին լսվում, բոցեր էին երևում, և քաղաքում ծուխ էր տարածվում:

Հրդեհը բռնկվել է Չադի գլխավոր միջազգային օդանավակայանից ընդամենը մի քանի կիլոմետր հեռավորության վրա, որն, ըստ իշխանությունների, չի տուժել: