Հասարակական

Երևանի կոնյակի գործարանի լաբորատորիան ևս մեկ անգամ հավատարմագրվեց

2 րոպեի ընթերցում

Երևանի կոնյակի գործարանի լաբորատորիան ևս մեկ  անգամ հավատարմագրվեց

ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ։ Երևանի կոնյակի գործարանի նախաձեռնությամբ ամիսներ առաջ մեկնարկել էր ընկերության լաբորատորիայի հավատարմագրման գործընթացը, որը օրերս հաջողությամբ ավարտվել է։ Արդյունքում՝ ընկերության լաբորատորիան ստացել է ԳՕՍՏ ԻՍՕ/ԻԷԿ 17025-2019 կարևորագույն ստանդարտի հավատարմագիրը։ Նմանատիպ նախորդ հավատարմագիրը Երևանի կոնյակի գործարանը ստացել էր դեռևս 2013 թվականին։

Հավատարմագրող մարմնի՝ «Հավատարմագրման ազգային մարմնի» կողմից կատարած մանրակրկիտ աուդիտին և նյութերի ուսումնասիրմանը հաջորդեց Երևանի կոնյակի գործարանի հավատարմագրումը՝ կիրառելի առավելագույնը 4 տարի ժամկետով։

Hand 3 (1)-1.jpg (1.44 MB)

Ի լրումն ընկերության լաբորատորիայի գործունեությունը կանոնակարգող տեղական այլ և միջազգային կարգավորումների, վերջերս ստացված հավատարմագիրը գալիս է մեկ անգամ ևս վկայելու նրա կողմից կատարվող հետազոտությունների աներկբա իսկությունը, ճշգրտությունն ու բարձր հավաստիությունը։

Նշենք, որ անկախ հավատարմագրերի ժամկետներից Երևանի կոնյակի գործարանի լաբորատորիան յուրաքանչյուր տարի վերհահավատարմագրվում է պատկան մարմինների կողմից՝ ապահովելով գործունեության կանոնակարգումն ու հետազոտությունների անշեղելի ճշգրտությունը։

«Հետևել ոլորտի ամենախիստ նորմերին և սահմանել որակի նոր նշաձողեր մեզ համար մշտապես եղել է թե՛ մասնագիտական որոնումների, թե՛ առօրյա աշխատանքների ամենապատասխանատու, բայց և ամենահետաքրքիր մասը։ Պետք է ասեմ, որ այս հավատարմագրման գործընթացը, որը մենք նախաձեռնեցինք, ընկերության կողմից որդեգրած «Որակի և անվտանգության» համակարգի գեթ մեկ մասն է, ինչը տարիներ, տասնամյակներ շարունակ երաշխավորում է ARARAT հայկական կոնյակների բացառիկ որակը»,- նշում է Երևանի կոնյակի գործարանի լաբորատորիայի ղեկավար, գիտությունների թեկնածու Մարինա Տիրակյանը։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում