Մշակույթ

Մոսկվայի Էստրադայի թատրոնում տեղի կունենա համերգ՝ նվիրված Շառլ Ազնավուրի հարյուրամյակին

4 րոպեի ընթերցում

Մոսկվայի Էստրադայի թատրոնում տեղի կունենա համերգ՝ նվիրված Շառլ Ազնավուրի հարյուրամյակին

ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: Հունիսի 4-ին Մոսկվայի ​​էստրադայի պետական թատրոնում տեղի կունենա տոնական համերգ՝ նվիրված աշխարհահռչակ երգիչ ու կինոդերասան Շառլ Ազնավուրի հարյուրամյակին: «Արմենպրես»-ի փոխանցմամբ՝ այդ մասին ՏԱՍՍ-ին հայտնել են նախագծի մամուլի ծառայությունում։

«Հունիսի 4-ին Մոսկվայի էստրադայի թատրոնում տեղի կունենա տոնական համերգ՝ նվիրված մեծն Շառլ Ազնավուրի հարյուրամյակին: Հռչակավոր շանսոնիեի՝ բոլորի կողմից սիրված երգերը կկատարեն երիտասարդ օպերային աստղեր և մյուզիքլների հայտնի ​​արտիստներ Դավիթ Սանիկիձեն, Սոֆիկո Կարդավան, Էլմիրա Դիվաևան և Դմիտրի Ռիբերո Ֆեռեյրան: «Հավերժական սեր», «Լա Բոհեմ», «Դու և ես», «Ով դու, կյանք», «Դեռ երեկ» և ֆրանսիական դասականի այլ գլուխգործոցները կհնչեն Կրեմլի պետական ​​նվագախմբի կատարմամբ։ Այն կղեկավարի ռուս ամենապահանջված երիտասարդ դիրիժորներից մեկը՝ Կոնստանտին Չուդովսկին», - ասվում է հաղորդագրության մեջ։

Շառլ Ազնավուրը գրել է ավելի քան հազար երգ, որոնցից շատերը դարձել են համաշխարհային հիթեր, խաղացել է շուրջ 60 ֆիլմերում և վաճառել ավելի քան 200 միլիոն ձայնասկավառակ։ Փարիզյան բեմում առաջնաելույթը եղել է ինը տարեկանում՝ ռուսական պարերի կատարմամբ։

Հայ տարագիրների որդի Շահնուր Ազնավուրյանը, որը հետագայում անունը փոխել է ֆրանսիական ոճով, ելույթ է ունեցել 85 տարի շարունակ։ Իր կարիերայի ընթացքում Ազնավուրը թողարկել է 294 ալբոմ և կատարել շուրջ 1100 համերգ աշխարհի 94 երկրներում։ Նրա երգերը կատարել են Էդիթ Պիաֆը, Իվ Մոնտանը, Բոբ Դիլանը, Լայզա Մինելին, Սթինգը, Խուլիո Իգլեսիասը և համաշխարհային բեմի այլ աստղեր։ Ռուսաստանում նա ​​հանրաճանաչություն է ձեռք բերել «Թեհրան-43» ֆիլմի էկրան բարձրանալուց հետո, որտեղ հիմնական երաժշտական ​​թեման դարձել է «Հավերժական սեր» երգի մեղեդին։

Շառլ Ազնավուրը ճանաչում է ստացել նաև որպես գրող։ Նրա առաջին գրական փորձը եղել է Իսպանիայում ճամփորդության օրագիրը, այնուհետև 1991 թվականին նա հրատարակել է երգերի խոսքի և համառոտ արձակի ժողովածու՝ «Խոսք աֆիշի համար» վերտառությամբ, 2003 թվականին լույս է տեսել «Առաջավորների ժամանակը» հուշապատումը, իսկ 2005 թվականի հոկտեմբերին հրատարակել է «Իմ կյանքի պատկերները» նովելների ժողովածուն։ Հետագայում նա հրատարակել է ևս յոթ գիրք, ներառյալ՝ ինքնակենսագրական վեպը։

Ազնավուրի գործունեությունը նշանավորվել է բազմաթիվ բարձր պարգևներով։ Դրանց թվում են Ֆրանսիայի Պատվո լեգեոնի և «Վաստակի համար» շքանշանները, ինչպես նաև «Սեզար» կինոմրցանակը։ 2004 թվականին Հայաստանը նրան շնորհել է Ազգային հերոսի կոչում։ 2009 թվականի հունվարին շանսոնիեին շնորհվել է Ձայնագրման և երաժշտության միջազգային շուկայի հատուկ մրցանակ՝ «տպավորիչ պրոֆեսիոնալ կարիերայի» համար, իսկ 2012 թվականի ապրիլին՝ «Կենաց ծառ» ազգային, մշակութային և հոգևոր ժառանգության վերածննդի բարեգործական հիմնադրամի (ԱՊՀ) մրցանակը:

ԵՄ-ն մեծ ուշադրություն է դարձնում մշակույթի ոլորտում Հայաստանի հետ համագործակցությանը. Մարագոս

Մշակույթ

ԵՄ-ն մեծ ուշադրություն է դարձնում մշակույթի ոլորտում Հայաստանի հետ համագործակցությանը. Մարագոս

Ազգային ֆիլհարմոնիկ նվագախումբն ու մի խումբ աստղեր համերգ կնվիրեն Գոհար Գասպարյանի 100-ամյակին

Մշակույթ

Ազգային ֆիլհարմոնիկ նվագախումբն ու մի խումբ աստղեր համերգ կնվիրեն Գոհար Գասպարյանի 100-ամյակին

Հաղթանակ Շահումյանի վաթսուն տարվա աշխատանքն ամփոփվեց նրա հոբելյանին նվիրված ցուցահանդեսում

Մշակույթ

Հաղթանակ Շահումյանի վաթսուն տարվա աշխատանքն ամփոփվեց նրա հոբելյանին նվիրված ցուցահանդեսում

Աշխարհահռչակ երաժիշտների կարծիքով սյունեցի պատանի երաժիշտների ջազային նվագախումբը մշակութային կյանքում մեծ ապագա ունի

Մշակույթ

Աշխարհահռչակ երաժիշտների կարծիքով սյունեցի պատանի երաժիշտների ջազային նվագախումբը մշակութային կյանքում մեծ ապագա ունի

Քանի որ շատ կապանցիներ հնարավորություն չունեն գնալ Լոնդոն, Բեռլին կամ Նյու Յորք, ուստի մենք աշխարհն ենք բերում Կապան. Սևակ Ավանեսյան

Մշակույթ

Քանի որ շատ կապանցիներ հնարավորություն չունեն գնալ Լոնդոն, Բեռլին կամ Նյու Յորք, ուստի մենք աշխարհն ենք բերում Կապան. Սևակ Ավանեսյան

Կապանի համայնքապետարանի նպատակն է վերականգնել մշակութային լավագույն ավանդույթները

Մշակույթ

Կապանի համայնքապետարանի նպատակն է վերականգնել մշակութային լավագույն ավանդույթները

Կապանում մշակութային եռուզեռ էր. անցկացվեց ավանդական դարձած երաժշտական միջազգային մեծ փառատոնը

Մշակույթ

Կապանում մշակութային եռուզեռ էր. անցկացվեց ավանդական դարձած երաժշտական միջազգային մեծ փառատոնը

Արվեստը ժամանակի սահմաններից դուրս. Նկարիչների միությունում կբացվի Հաղթանակ Շահումյանի 80-ամյակին նվիրված ցուցահանդեսը

Մշակույթ

Արվեստը ժամանակի սահմաններից դուրս. Նկարիչների միությունում կբացվի Հաղթանակ Շահումյանի 80-ամյակին նվիրված ցուցահանդեսը

Անահիտ աստվածուհու բրոնզե արձանի գլուխն ու ձեռքը Հայաստանի պատմության թանգարանում կցուցադրվեն սեպտեմբերի 21-ից

Մշակույթ

Անահիտ աստվածուհու բրոնզե արձանի գլուխն ու ձեռքը Հայաստանի պատմության թանգարանում կցուցադրվեն սեպտեմբերի 21-ից

ՀՀ ԿԳՄՍ նախարարն ու ԵՄ դեսպանը ծանոթացել են «Ստեղծագործ Եվրոպա» հայաստանյան գրասենյակի գործունեությանը

Մշակույթ

ՀՀ ԿԳՄՍ նախարարն ու ԵՄ դեսպանը ծանոթացել են «Ստեղծագործ Եվրոպա» հայաստանյան գրասենյակի գործունեությանը

Համաշխարհային օպերային աստղերի մասնակցությամբ համերգ` Գոհար Գասպարյանի 100-ամյակին

Մշակույթ

Համաշխարհային օպերային աստղերի մասնակցությամբ համերգ` Գոհար Գասպարյանի 100-ամյակին

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում