Միրզոյանը և Սիֆրեդին քննարկել են Հայաստանի և Ֆրանսիայի միջև բազմաշերտ գործընկերության հարցեր

2 րոպեի ընթերցում

ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: ՀՀ ԱԳ նախարար Արարատ Միրզոյանը մայիսի 27-ին ընդունել է Ֆրանսիայի Օ-դը-Սեն դեպարտամենտի նախագահ Ժորժ Սիֆրեդիի գլխավորած պատվիրակությանը:

Ինչպես «Արմենպրես»-ին տեղեկացրին ՀՀ արտաքին գործերի նախարարությունից, զրուցակիցները քննարկել են Հայաստանի և Ֆրանսիայի միջև բազմաշերտ երկկողմ գործընկերության, այդ թվում՝ ապակենտրոնացված համագործակցությանն առնչվող հարցեր:

Ըստ աղբյուրի՝ նախարար Միրզոյանն ընդգծել է, որ հայ-ֆրանսիական հարաբերություններն արդյունավետորեն զարգանում են մի շարք առանցքային ոլորտներում, տարբեր մակարդակներում ու ձևաչափերում:

Նշվում է, որ ՀՀ արտաքին քաղաքական գերատեսչության ղեկավարը հավելել է, որ բարձր մակարդակում քաղաքական երկխոսությանը զուգահեռ իրականացվում են ծրագրեր, որոնք միտված են ընդհանուր առմամբ ՀՀ դիմակայության ամրապնդմանը, ինչպես նաև կոնկրետ ծրագրերի շահառուների համար շոշափելի արդյունքների ապահովմանը: Այս համատեքստում ՀՀ ԱԳ նախարարը և Օ-դը Սեն դեպարտամենտի նախագահն անդրադարձել են ապակենտրոնացված համագործակցության ընթացիկ ծրագրերին և հետագա ընդլայնման հեռանկարներին:

Շեշտելով, որ ՀՀ սահմանամերձ մարզերի տնտեսական զարգացումն ու կարողությունների ամրապնդումը ՀՀ կառավարության առաջնահերթություններից է՝ նախարար Միրզոյանը բարձր է գնահատել Օ-դը-Սեն դեպարտամենտի համագործակցությունը Տավուշի մարզի հետ և Ժորժ Սիֆրեդիի ներդրումն այդ գործում: Արարատ Միրզոյանը նաև ներկայացրել է նախօրեին ՀՀ հյուսիսային շրջաններում, այդ թվում՝ Տավուշի մարզում ջրհեղեղի հետևանքները:

Հայերեն العربية English Français Русский

ՊԵԿ-ը մանրամասներ է հայտնել հայտարարագրվելուց հետո սոցիալական ծախսերի փոխհատուցման մասին

Սաուդյան Արաբիայի ԱԳՆ ղեկավարը 15 տարվա ընթացքում  առաջին անգամ կայցելի Լիբանան

Թրամփը Պուտինին սպառնացել է պատժամիջոցներով, եթե նա վերջ չդնի Ուկրաինայում ընթացող «անհեթեթ պատերազմին»

«Ինտեր»-ը հաղթել է, «Մանչեսթեր Սիթի»-ն` պարտվել. ՉԼ այլ արդյունքներ

ՊԵԿ-ը նոր պարզաբանում է ներկայացրել եկամուտների հայտարարագրման գործընթացի վերաբերյալ

ՀՀ արտաքին հետախուզության ծառայությունը հրապարակել է Հայաստանի  արտաքին ռիսկերի վերաբերյալ 2025թ. զեկույցը

Վարչապետը մեկնել է Շվեյցարիա՝ մասնակցելու Դավոսի համաշխարհային տնտեսական ֆորումին

«Ռուստամ և Զոհրաբ» օպերայի առաջնախաղ, դասընթացներ Իտալիայում. Երևանի օպերային թատրոնը հավակնոտ ծրագրեր ունի

ՀՀ տարածքում կան փակ ավտոճանապարհներ, Լարսը բաց է բոլոր տեսակի տրանսպորտային միջոցների համար

Podcast-Sport. Երկրպագուների կողմից ՀՖՖ ղեկավար կազմի հրաժարականի պահանջը