Միջազգային

Իռլանդիայում կփակվեն Ուկրաինայից փախստականների տեղավորման որոշ կենտրոններ

1 րոպեի ընթերցում

Իռլանդիայում կփակվեն Ուկրաինայից փախստականների տեղավորման որոշ կենտրոններ

ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Իռլանդիայի իշխանությունները մտադիր են առաջիկա ամիսներին փակել Ուկրաինայից փախստականների տեղավորման կենտրոնների զգալի մասը:

Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին մայիսի 27-ին հայտնել է «Irish Times»-ը՝ վկայակոչելով երկրի ինտեգրման նախարարության ներկայացուցչին:

2023 թվականի դեկտեմբերին Իռլանդիայի կառավարությունը հավանություն է տվել ուկրաինացի փախստականներին բնակարան տրամադրելու ժամկետի կրճատմանը մինչև 90 օր։ Ավելի վաղ Իռլանդիայի իշխանությունները հայտարարել էին, որ Ուկրաինայից փախստականներին հնարավոր չէ տեղավորել՝ բնակարանների բացակայության պատճառով։

«Մարտի 14-ից հետո Ուկրաինայից ժամանած փախստականներին բնակարանով ապահովելու ժամկետի սահմանափակման արդյունքում տեղավորման կենտրոնները մասամբ կազատվեն»,- գրում է «Irish Times»-ն ու հավելում՝ փախստականներն ամեն օր լքում են իրենց տրամադրված բնակարանները, որպեսզի ինքնուրույն հաստատվեն:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում