ԱՄՆ-ն հայտնել է ԵՄ-ում պառակտման մասին՝ Նեթանյահուի նկատմամբ ՄՔԴ-ի կալանավորման հրամանի պատճառով
2 րոպեի ընթերցում
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ։ Միջազգային քրեական դատարանի (ՄՔԴ) կողմից Իսրայելի վարչապետ Բենիամին Նեթանյահուի ձերբակալության հրամանը պառակտել է Եվրամիությունը: Այդ մասին տեղեկացնում է «Արմենպրես»-ը՝ վկայակոչելով ամերիկյան Politico ամսագիրը։
«Մինչ իսրայելցի քաղաքական գործիչները խստորեն դատապարտում են Միջազգային քրեական դատարանի քայլը՝ բարձրաստիճան պաշտոնյաներին կալանավորելու որոշումներ կայացնելու վերաբերյալ, եվրոպացի առաջնորդների արձագանքը բաժանված է»,–գրել է պարբերականը։
Բելգիայի արտաքին գործերի նախարար Հաջա Լահբիբը, ինչպես նաև Ֆրանսիայի արտաքին գործերի նախարարությունը, որը հայտարարություն է տարածել այս հարցի վերաբերյալ, հանդես են եկել ի պաշտպանություն ՄՔԴ-ի որոշման։ Իր հերթին Չեխիայի վարչապետ Պետր Ֆիալան վրդովեցուցիչ է անվանել ՀԱՄԱՍ-ից ժողովրդավարական ճանապարհով ընտրված կառավարության ներկայացուցիչներին իսլամիստական ահաբեկչական կազմակերպության առաջնորդների շարքին դասելու փորձը։ Ավստրիայի կանցլեր Կառլ Նեհամմերը նմանատիպ դիրքորոշում է արտահայտել ՄՔԴ-ի որոշման առթիվ։
Ավելի վաղ Մեծ Բրիտանիայի վարչապետ Ռիշի Սունակը նույնպես քննադատել էր Նեթանյահուին կալանավորելու վերաբերյալ ՄՔԴ-ի որոշումը՝ կոչ անելով չշփոթել և հավասարեցնել Իսրայելն ու ՀԱՄԱՍ-ը։