Միջազգային

Կրասնոդարի երկրամասում գտնվող նավթավերամշակման գործարանը ԱԹՍ-ների հարձակումից հետո դադարեցրել է աշխատանքը

1 րոպեի ընթերցում

Կրասնոդարի երկրամասում գտնվող նավթավերամշակման գործարանը ԱԹՍ-ների հարձակումից հետո դադարեցրել է աշխատանքը

ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Վեց անօդաչու թռչող սարք է ընկել ՌԴ Կրասնոդարի երկրամասի Սլավյանսկի նավթավերամշակման գործարանի տարածքում, ևս երկու պայթյուն է գրանցվել Կրասնոդարի երկրամասի Սլավյանսկի շրջանի գերեզմանատան մոտ և ֆերմաներից մեկում, հայտնում է շրջանի ղեկավար Ռոման Սինյագովսկին «Տելեգրամ»-ի իր ալիքում։ Այս մասին տեղեկացնում «Արմենպրես»-ը՝ հղում կատարելով «Ինտերֆաքս»-ին:

Շրջանի ղեկավարը տեղեկացրել է, որ մայիսի 18-ի լույս 19-ի գիշերը վեց անօդաչու թռչող սարք է ընկել Կուբանի Սլավյանսկում գտնվող նավթավերամշակման գործարանի տարածքում: Երկու պայթյուն է որոտացել նաև հին գերեզմանատան տարածքում, ևս մեկը՝ Սլավյանսկի շրջանի Տրուդոբելիկովսկի գյուղում:

Նրա խոսքով՝ ըստ նախնական տեղեկությունների, զոհեր և ավերածություններ չկան։ Անօդաչու թռչող սարքերի հարվածի վայրում աշխատում են հատուկ ծառայություններ։

«Славянск ЭКО» ընկերությունների խմբի անվտանգության տնօրեն Էդուարդ Տրուդնևն էլ հայտնել է, որ Կրասնոդարի երկրամասում գտնվող Սլավյանսկի նավթավերամշակման գործարանը դադարեցրել է գործունեությունն անցած գիշեր անօդաչու թռչող սարքերի հարձակումից հետո։

Տեղադրություն

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում