Հասարակական

Սիսիան-Գորայք ավտոճանապարհին ձորը գլորված ավտոմեքենայի 3 ուղևորները հոսպիտալացվել են

1 րոպեի ընթերցում

Սիսիան-Գորայք ավտոճանապարհին ձորը գլորված ավտոմեքենայի 3 ուղևորները հոսպիտալացվել են

ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Սյունիքի մարզային փրկարարական վարչության ճգնաժամային կառավարման կենտրոնը մայիսի 19-ին, ժամը 04:16-ին ահազանգ է ստացել, որ Սպանդարյան գյուղում տեղի է ունեցել ՃՏՊ․ կան տուժածներ։

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ։

Ըստ աղբյուրի՝ պարզվել է, որ Սիսիան-Գորայք ավտոճանապարհի 34-րդ կմ-ին «Renault» մակնիշի ավտոմեքենան (վարորդ՝ Ա․ Ղ․, ծնված 1962 թ․) դուրս է եկել երթևեկելի հատվածից և գլորվել ձորը (մոտ 10 մ):

Ուղևորներ Ա․ Ս․-ն (ծնված 1967 թ․), Վ․ Մ․-ն (ծնված 1969 թ.) և Լ․ Դ․-ն (ծնված 1973 թ.) տեղի ուժերով դուրս են բերվել ավտոմեքենայից և հոսպիտալացվել բժշկական կենտրոն, որտեղ բժիշկները նրանց առողջական վիճակը գնահատել են բավարար:

Նշվում է, որ փրկարարները սահմանազատել են տարածքը և հոսանքազրկել ավտոմեքենան:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում