1 րոպեի ընթերցում
ԵՐԵՎԱՆ, 11 ՄԱՅԻՍԻ, ԱՐՄԵՆՊՐԵՍ։ Հայաստանի հրեշտակ ներդրողների ակումբը (AICA) հայտարարել է հայկական Optimyzee ստարտափում ներդրում կատարելու մասին։
«Արմենպրես»-ի փոխանցմամբ՝ Optimyzee-ը թույլ է տալիս ձեռնարկություններին ստեղծել և գործարկել Google-ի որոնողական ծախսարդյունավետ արշավներ զրոյից: Օգտագործելով ավելի քան 10 հազար գովազդային արշավից ստացված տվյալները և 10 միլիոն դոլարը գերազանցող գումարային գովազդի բյուջեն` Optimyzee-ն առաջարկում է արհեստական բանականության ինտեգրումով գովազդային գործընթացը պարզեցնել և օպտիմալացնել:
Ներկայում ավելի քան 600 ընկերություն և ստարտափ օգտագործում են Optimyzee-ի մշակումը՝ կատարելով Google Ads-ի ծախսերի զգալի խնայողություն:
Նախկինում ստարտափը ներդրում է ստացել նաև Triple S Ventures-ից։