Միջազգային

G7-ի երկրները կքննարկեն Իրանին Իսրայելի ենթադրյալ հարվածի շուրջ ստեղծված իրադրությունը

1 րոպեի ընթերցում

G7-ի երկրները կքննարկեն Իրանին Իսրայելի ենթադրյալ հարվածի շուրջ ստեղծված իրադրությունը

ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Մեծ յոթնյակի երկրները (G7) կքննարկեն Իրանին Իսրայելի ենթադրյալ հարվածի շուրջ ստեղծված իրադրությունն ապրիլի 19-ին Իտալիայում կայանալիք արտգործնախարարների հանդիպմանը: «Արմենպրես»-ի փոխանցմամբ՝ այս մասին հաղորդել է Կանադայի արտաքին գործերի նախարար Մելանի Ժոլին։

«Կանադայի արտաքին գործերի նախարարության աշխատակիցներն ինձ տեղեկացրին Իրանում գիշերը տեղի ունեցած պայթյունների մասին: Մենք ուշադրությամբ հետևում ենք իրադրությանը: Այսօր առավոտյան մենք դա Իտալիայում կքննարկենք արտգործնախարարների հետ G7-ի նստաշրջանում», - գրել է նա X սոցիալական հարթակում:

Ինչպես ավելի վաղ հայտնել էր «Արմենպրես»-ը, Իրանում պայթյուններ են լսվել, որոնք, ըստ ԱՄՆ աղբյուրների, եղել են Իսրայելի պատասխան հարվածները ապրիլի 13-ին Իրանի կողմից Իսրայելի վրա իրականացված ԱԹՍ-ների և հրթիռների հարձակմանը։ Ըստ իրանական աղբյուրների՝ Սպահան և Թավրիզ նահանգներում պայթյուններից հետո իրավիճակը կայուն է, միջուկային օբյեկտները չեն վնասվել։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում