Սի Ծինփինը Պեկինում հանդիպել է Շոլցի հետ
1 րոպեի ընթերցում
![Սի Ծինփինը Պեկինում հանդիպել է Շոլցի հետ](http://armenpress.am/resized/480/static/news/b/2024/04/1134863.jpg)
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: Չինաստանի նախագահ Սի Ծինփինը Պեկինի Դյաոյույթայ նստավայրում հանդիպել է Գերմանիայի կանցլեր Օլաֆ Շոլցի հետ։ Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին հայտնում է Չինաստանի կենտրոնական հեռուստատեսությունը։
«Չին-գերմանական հարաբերությունների զարգացումն իր ազդեցությունն ունի ամբողջ աշխարհի վրա»,-հանդիպմանը հայտարարել է Չինաստանի նախագահ Սի Ծինփինը։
Շոլցն այցով Չինաստանում է գտնվում ապրիլի 12-ից։ Դա նրա երկրորդ ուղևորությունն է Չինաստան Գերմանիայի կանցլերի պաշտոնում։ Շոլցին ուղեկցում են շրջակա միջավայրի, գյուղատնտեսության և տրանսպորտի նախարարները։ Պատվիրակության կազմում են Գերմանիայի առաջատար ընկերությունների, մասնավորապես՝ Siemens-ի, BMW-ի, Mercedes-Benz-ի ներկայացուցիչները: