1 րոպեի ընթերցում
ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: Գեղարքունիքի մարզային փրկարարական վարչության ճգնաժամային կառավարման կենտրոնն ապրիլի 12-ին, ժամը 15:32-ին ահազանգ է ստացել, որ Գանձակ գյուղում այրվում է խոտի դեզ:
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի երկու մարտական հաշվարկ:
Ըստ աղբյուրի՝ պարզվել է, որ գյուղի Բաբաջանյան փողոցի տներից մեկի բակում այրվում է կուտակած անասնակեր:
Նշվում է, որ հրդեհը մեկուսացվել է ժամը 16:30-ին, մարվել՝ 18։37-ին: Այրվել է մոտ 600 հակ անասնակեր: