Ոսկու գինը նորացրել է պատմական առավելագույնը

ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: Ոսկու գինը Comex բորսայում (Նյու Յորքի ապրանքային բորսայի ստորաբաժանում) սակարկությունների ընթացքում նորացրել է իր պատմական առավելագույնը՝ բարձրանալով մեկ ունցիայի դիմաց 2 400 դոլարի նշագծից: Այդ մասին «Արմենպրես»-ը տեղեկանում է ՏԱՍՍ գործակալությունից:

Երևանի ժամանակով ժամը 05:00-ի դրությամբ թանկարժեք մետաղի գինը մեկ ունցիայի դիմաց կազմել է 2 402,4 դոլար (+1,75%)։ Երևանի ժամանակով ժամը 07:22-ի դրությամբ ոսկու գինն արագացրել է աճը՝ մեկ ունցիայի դիմաց մինչև 2 405,6 դոլար (+1,88%):