1 րոպեի ընթերցում
ԵՐԵՎԱՆ, 11 ԱՊՐԻԼԻ, ԱՐՄԵՆՊՐԵՍ: Մոնղոլիայում բարդ եղանակային պայմանների պատճառով գյուղատնտեսական կենդանիների զանգվածային անկումը շարունակվում է և արդեն գերազանցել է 6 միլիոնը։ Ինչպես հաղորդում է «Արմենպրես»-ը, այդ մասին հաղորդել է Մոնղոլիայի արտակարգ իրավիճակների պետական հատուկ հանձնաժողովը։
«Ապրիլի 10-ի դրությամբ Մոնղոլիայում սատկել է 6,3 միլիոն գլուխ անասուն, ոչնչացվել և թաղվել է 513 948 անասուն։ Երկրի տարածքի շուրջ 5%-ը դեռևս ծածկված է ձյունով։ Միևնույն ժամանակ, օդերևութաբանները նախազգուշացրել են, որ ապրիլի 11-ից մինչև 14-ը տարածաշրջանների մեծ մասում կտեղա թաց ձյուն և անձրև, կլինեն ձնաբքեր, քամու արագությունը վայրկյանում կգերազանցի 18-24 մետրը»,-նշվում է տարածված հաղորդագրության մեջ։