1 րոպեի ընթերցում
ԵՐԵՎԱՆ, 4 ԱՊՐԻԼԻ, ԱՐՄԵՆՊՐԵՍ։ Իրանի Ռասկ և Չաբահար քաղաքներում «Ջեյշ ալ Ադլ» ահաբեկչական խմբավորման անդամները հարձակում են իրականացրել Իսլամական հեղափոխության պահապանների կորպուսի (ԻՀՊԿ) շտաբների վրա, որի հետևանքով սպանվել է 8 ահաբեկիչ։ «Արմենպրես»-ի փոխանցմամբ՝ այս մասին հաղորդում է IRNA գործակալությունը։
Հարձակումները տեղի են ունեցել ապրիլի 3-ի ուշ երեկոյան։ Իրանի անվտանգության և ներքին գործերի նախարարի տեղակալ Սեյեդ Մաջիդ Միրահմադին հայտնել է, որ 8 ահաբեկիչ սպանվել է։
Իր հերթին Mehr գործակալությունը, վկայակոչելով Սիստան և Բելուջիստանի նահանգի անվտանգության ծառայության իր աղբյուրին, նշում է, որ հարձակման հետևանքով զոհվել է նաև իրանցի 3 զինծառայող։