1 րոպեի ընթերցում
ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Դոնալդ Թրամփի նախագահության տարիներին փոխնախագահի պաշտոնը զբաղեցրած Մայք Փենսը հրաժարվել է աջակցել Թրամփին 2024 թվականի նախագահական ընտրություններում։
«Արմենպրես»-ի հաղորդմամբ՝ Փենսն այս մասին հայտարարել է Fox News-ին տված հարցազրույցում:
«Սա չպետք է անակնկալ լինի, այս տարի ես չեմ աջակցի Դոնալդ Թրամփին»,- հարցազրույցից նրա խոսքերն է մեջբերել «Ինտերֆաքսը»-ը:
Մայք Փենսի խոսքով ՝ ինքը չափազանց հպարտ է թե իր, թե Թրամփի ՝ իշխանության ղեկին գտնվելու ընթացքում ունեցած ձեռքբերումներով, սակայն այժմ իր և Թրամփի միջև խորը տարաձայնություններ կան:
Ըստ աղբյուրի՝ Փենսը հրաժարվել է ասել, թե ում օգտին է քվեարկելու 2024 թվականի նախագահական ընտրություններում, սակայն նա հասկացրել է, որ դա Բայդենը չի լինելու:
«Ես երբեք չեմ քվեարկի Ջո Բայդենի օգտին, քանի որ ես հանրապետական եմ»,- ասել է նա։