Երևանի մի շարք փողոցներում ծառերի փոխարինման աշխատանքներ կիրականացվեն. մանրամասնում է Արթուր Խալաթյանը

2 րոպեի ընթերցում

ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: 2023 թվականին հաստատված ծրագրի շրջանակում Երևան համայնքում կենսունակության ավարտին մոտ գտնվող և ամբողջովին դեֆորմացված ծառերը կփոխարինվեն առավել արժեքավոր և գեղազարդ ծառերով: Այս ուղղությամբ առաջին քայլն իրականացվել է դեռ 2023 թվականի մարտին՝ Մոսկովյան փողոցում: Այս տարի ծրագիրը լայն թափով կշարունակվի։

«Արմենպրես»-ի փոխանցմամբ՝ լրագրողների հետ հանդիպման ընթացքում Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ի զարգացման գծով տնօրենի տեղակալ Արթուր Խալաթյանը նշեց, որ Երևանում ծառերի փոխարինումը ունի գիտական հիմքեր և միտված է Երևան քաղաքում դենդրոֆլորիստիկ կազմի երիտասարդացմանը, շրջակա միջավայրի կայունացմանն ու երիտասարդացմանը:

Արթուր Խալաթյանն, անդրադառնալով «Բալենի» (Սակուրա) տեսակի ծառեր տնկելու շուրջ բարձրացած աղմուկին, նշեց, որ ձեռք բերված մեծաքանակ ծառերի մեջ բալենիները կազմում են շուրջ 15-20 տոկոս, իսկ փողոցների փոխարինման ծրագրում բալենիներ կտնկվեն ընդամենը մեկ կամ 2 փողոցում:

«Քաղաքացիները կարող են վստահ լինել, որ հատվող ծառերը փոխարինվելու են նորերով և որպես ապացույց կարող են դիտարկել նախորդ աշխատանքները: Նշեմ, որ այս ընթացքում բազմաթիվ հանդիպումներ ու քննարկումներ ենք ունեցել թե՛ բնակիչների, թե՛ քաղաքական ուժերի հետ, հաշվի են առնվել բոլոր առաջարկներն ու մտահոգությունները»,- նշեց նա:

Անդրադառնալով շրջանառվող խոսակցություններին, թե ծառերի փոխարինումը կարող է ազդել քաղաքի կոլորիտի վրա, Արթուր Խալաթյանը նշեց, որ փոխարինվում են թեղի մանրատերև տեսակի ծառերը, որոնք քաղաքի կոլորիտ չեն հանդիսանում: Նա ընդգծեց, որ Երևանի կոլորիտ են համարվում Արևելյան սոսին, Ամառային կաղնին, որոնք աշխատակիցները շատ զգուշությամբ պահում են, անգամ էտումներն են զգուշորեն իրականացնում:

Ծառերի թարմացմանը բնակիչները դրական են արձագանքում՝ նշելով, որ արդեն իրենց կյանքն ապրած ծառատեսակներից մի շարք անհարմարություններ էին լինում։

Հեղ. Գայանե Գաբոյան

Օպերատոր՝ Հայկ Բարսեղյան

Հայերեն Español

ԱԺ նախագահն առաջարկել է Արսեն Գևորգյանի մահվան դեպքը քննարկել առանց քաղաքական շահարկումների

ՃՇՀԱՀ-ի և ԿԳՄՍՆ Բարձրագույն կրթության և գիտության կոմիտեի միջև ստորագրվեց փոխըմբռնման հուշագիր

Նոյեմբերի 18-ի միջոցառումների անոնս

ԱՄՆ-ն ևս 4 ամսով Հունգարիային ազատել է ռուսական նավթի գնման համար գործող պատժամիջոցներից

ՄԻՊ աշխատակազմում հյուրընկալվել են «Խորհուրդ X» երիտասարդական կազմակերպության անդամները և ԵՊՀ ուսանողները

Թրամփը Թաիլանդի հետ համաձայնություն է ձեռք բերել ԱՄՆ-ից ներմուծվող ապրանքների նկատմամբ մաքսատուրքերի վերացման մասին

Սոնա Ղազարյանը հորդորել է երեխայի ծննդյան նպաստից գումար հատկացնել քարսիթի ձեռքբերմանը

Քաղաքաշինության կոմիտեում քննարկվել են բենզալցակայանների գործունեությունը կարգավորող իրավական դաշտի վերանայման հարցեր

Պատգամավորի կարծիքով՝ միայն տուգանքների բարձրացմամբ խցանումների խնդիրը չի լուծվի

Էջմիածին-Երևան երթուղու միկրոավտոբուսների՝ մայրաքաղաքի կենտրոնում կայանման արգելքը չի վերանայվի