Բրատիսլավայում գտել են Երկրորդ համաշխարհային պատերազմի ժամանակների հարյուրավոր գերմանական ականներ
1 րոպեի ընթերցում
ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: Սլովակիայի մայրաքաղաք Բրատիսլավայում շինարարական աշխատանքների ժամանակ հայտնաբերվել են Երկրորդ համաշխարհային պատերազմի ժամանակների գերմանական արտադրության հակահետևակային ականներ։ Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին լրագրողներին հայտնել է Սլովակիայի ոստիկանության ներկայացուցիչ Միխալ Շեյֆը։
«Բրատիսլավայի Պետրժալկա շրջանի Բետլիարսկայա փողոցի մերձակայքում շինարարական աշխատանքներ անցկացնելու ժամանակ հայտնաբերվել է մոտավորապես 400 S-35 հակահետևակային ական: Ոստիկանությունը սակրավորների հետ փոխգործակցությամբ դրանք տեղափոխել է քաղաքից դուրս գտնվող անվտանգ վայր», - ասել է նա։
Ականների հայտնաբերման վայրը հսկում է ոստիկանությունը։ Սակրավորները փետրվարի 6-ին կուսումնասիրեն տարածքը՝ պարզելու՝ արդյոք այնտեղ կա այլ զինամթերք։