Նայրոբիի ազգային այգու վերևում բախվել են երկու ինքնաթիռներ

ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ: Քենիայի մայրաքաղաք Նայրոբիի ազգային այգու վերևում բախվել են երկու ինքնաթիռներ, ինչի հետևանքով երկու մարդ է զոհվել։ Այդ մասին տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն։

Նշվում է, որ բախվել են Cessna և Safarilink ինքնաթիռները։ Վերջինում եղել է 44 մարդ։ Բախման հետևանքով Cessna ինքնաթիռն ընկել է այգու տարածքում, իսկ ռեգիոնալ ավիաընկերության մարդատար ինքնաթիռը կարողացել է վերադառնալ մեկնման օդանավակայան: