1 րոպեի ընթերցում
ԵՐԵՎԱՆ, 1 ՄԱՐՏԻ, ԱՐՄԵՆՊՐԵՍ: Փետրվարի 29-ին՝ 84 տարեկանում, մահացել է Կանադայի նախկին վարչապետ Բրայան Մալրունին։ «Արմենպրես»-ի փոխանցմամբ՝ այդ մասին հայտնել է երկրի վարչապետ Ջասթին Թրյուդոն։
«Ես մեծ վշտով տեղեկացա հարգարժան Բրայան Մալրունիի` Կանադայի նախկին վարչապետի մահվան մասին։ Պարոն Մալրունին սիրում էր Կանադան․․․․ Նա երբեք չի դադարել աշխատել կանադացիների համար, և միշտ փորձել է այս երկիրը դարձնել շատ ավելի լավ վայր՝ տուն անվանելու համար», - ասված է նրա գրասենյակի տարածած հայտարարության մեջ։
Թրյուդոն նշել է, որ Մալրունին եղել է «կանադական արժեքների մարմնացումը», մարդ, որին հարգում էին ինչպես Կանադայում, այնպես էլ արտասահմանում։ Քաղաքական գործչի մահվան պատճառը չի հաղորդվում։
Մալրունին եղել է Կանադայի 18-րդ վարչապետը, նա Կանադայի կառավարությունը գլխավորել է 1984 թվականի սեպտեմբերից մինչև 1993 թվականի հունիսը։