ԱԺ-ն Գարեգին Բաղրամյանին ընտրեց ՀԾԿՀ նախագահ, իսկ Գեղամ Գևորգյանին՝ ՄՊՀ նախագահ
1 րոպեի ընթերցում
![ԱԺ-ն Գարեգին Բաղրամյանին ընտրեց ՀԾԿՀ նախագահ, իսկ Գեղամ Գևորգյանին՝ ՄՊՀ նախագահ](http://armenpress.am/resized/480/static/news/b/2024/02/1131457.jpg)
ԵՐԵՎԱՆ, 29 ՓԵՏՐՎԱՐԻ, ԱՐՄԵՆՊՐԵՍ։ Ազգային ժողովը Գարեգին Բաղրամյանին ընտրեց ՀՀ հանրային ծառայությունները կարգավորող հանձնաժողովի նախագահի պաշտոնում, իսկ Գեղամ Գևորգյանին՝ՀՀ մրցակցության պաշտպանության հանձնաժողովի նախագահի պաշտոնում։
Ինչպես տեղեկացնում է «Արմենպրես»-ը, Ազգային ժողովի հաշվիչ հանձնախմբի նախագահ Նարեկ Բաբայանը ներկայացրեց թեկնածուների գաղտնի ընտրության արդյունքները: Գարեգին Բաղրամյանը և Գեղամ Գևորգյանը 67 կողմ քվեով ընտրվել են համապատասխան հանձնաժողովների նախագահների պաշտոնում։