Ֆրանսիան կշարունակի զարգացնել պաշտպանության ոլորտում Հայաստանի հետ համագործակցությունը․ Մակրոն
2 րոպեի ընթերցում
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Ֆրանսիան կշարունակի զարգացնել Հայաստանի հետ համագործակցությունը պաշտպանության ոլորտում։
«Արմենպրես»-ի հաղորդմամբ՝ այս մասին ասել է Ֆրանսիայի նախագահ Էմանուել Մակրոնը ՀՀ վարչապետ Նիկոլ Փաշինյանի հետ համատեղ ԶԼՄ ներկայացուցիչների համար արված հայտարարության ընթացքում։
«Կշարունակենք զարգացնել համագործակցությունը պաշտպանության ոլորտում։ Ֆրանսիան տվել է իր համաձայնությունը պաշտպանական տեխնիկայի առաքման համար և Ֆրանսիան կշարունակի այդ ոլորտում իր պատասխանատվության ոգով՝ չցանկանալով որևէ էսկալացիա»,-նշել է Մակրոնը՝ հավելելով, որ Ֆրանսիան շարունակում է նաև իր մարդասիրական հանձնառությունը՝ ի նպաստ Լեռնային Ղարաբաղի փախստականների՝ տրամադրելով 29 միլիոն եվրո 2023թվականին։
Նրա խոսքով՝ Ֆրանսիան վճռականորեն կշարունակի նաև աջակցել Եվրամիության և Հայաստանի հարաբերությունների զարգացմանը։
«Այստեղ նույնպես արձանագրում ենք առաջընթաց՝ ի նպաստ ինքիշխանության և տոկունության մեր ընդհանուր ռազմավարական շահերի համար»,-ընդգծել է Ֆրանսիայի նախագահը՝ ավելացնելով, որ Հայաստանը նույնպես պետք է օգտվի խաղաղության եվրոպական գործիքներից։
Նա համոզմունք է հայտնել, որ Հայաստանում այսուհետ ամրապնդված է ԵՄ դիտորդական առաքելությունը՝ նպատակ ունենալով նպաստել կայունությանը, միջազգային հանրությանն անաչառ տեղեկատվությանը և ռազմական շփման գոտիներում խոցելի բնակչության ապահովությանը։