84 տարի առաջ նավապետի հետ միասին անհետացած նավը հայտնաբերվել է

2 րոպեի ընթերցում

ԵՐԵՎԱՆ, 15 ՓԵՏՐՎԱՐԻ, ԱՐՄԵՆՊՐԵՍ: Arlington նավը, որն իր կապիտան Ֆրեդերիկ Բերքի հետ միասին խորտակվել էր ԱՄՆ Միչիգան ​​նահանգից դեպի հյուսիս ընկած շրջանում, հայտնաբերվել է նավաբեկությունից 84 տարի անց: «Արմենպրես»-ի փոխանցմամբ՝ այս մասին հայտնել է «Great Lakes Shipwreck Historical Society» կազմակերպությունը։

Երկրորդ համաշխարհային պատերազմի ժամանակների նավը հայտնաբերվել է Սուփերիոր լճի հատակին սաստիկ փոթորկի ժամանակ անհետանալուց մոտավորապես 84 տարի անց:

«Նավը հայտնաբերվել է Միչիգանի Քիվինո թերակղզուց դեպի հյուսիս՝ 600 ֆուտ (մոտ 200 մետր) խորության վրա», - ասվում է հրապարակման մեջ։

Նավաբեկությունը տեղի է ունեցել 1940 թվականի մայիսին։ Հայտնի է, որ փոթորկի սկսվելուց հետո նավապետի օգնականը կարգադրել է փոխել շարժման ուղղությունը, սակայն կապիտան Բերքը հրամայել է կրկին վերադառնալ նախկին ընթացքին։ Արդյունքում Arlington-ը բախվել է Collingwood նավին, որի վրա կարողացել են փոխադրվել անձնակազմի անդամները։ Բոլորը կարողացել են փրկվել, բացի նավի վրա մնացած կապիտանից, որի որոշումը մինչև այժմ անհասկանալի է մնում հետազոտողների համար։

«Ինչո՞ւ նա խորտակվեց իր նավի հետ միասին, երբ հեշտությամբ կարող էր փրկվել, ինչպես իր թիմի անդամները: Փաստն այն է, որ ոչ ոք երբեք չի իմանա պատասխանը», - հաղորդում է «Great Lakes Shipwreck Historical Society»-ն՝ հավելելով, որ նավապետը ձեռքով է արել ողջ մնացած անձնակազմի անդամներին՝ նախքան իր նավի հետ լճի հատակն անցնելը։

Հայերեն

Ազգային ժողովի Հայաստան-Ֆինլանդիա, Նորվեգիա բարեկամական խմբի անդամները հանդիպել են ՀՀ-ում Ֆինլանդիայի դեսպանին

Հաագայի դատարանը հերթական դատավճիռն է կայացրել Կոսովոյի ալբանացի զինյալների նախկին առաջնորդի նկատմամբ

Ուժեղ պայթյուն է որոտացել իրանական Քեշմ կղզու մոտակայքում

Դավիթ Խուդաթյանը հանդիպումներ է ունեցել Իրանի փոխնախագահի, էներգետիկայի և նավթի նախարարների հետ

Արդարադատության նախարարի տեղակալն ընդունել է ՄԱԿ-ի Փախստականների հարցերով գերագույն հանձնակատարի հայաստանյան գրասենյակի ղեկավարին

Սերբիայում ռազմական ինքնաթիռ է կործանվել․ օդաչուն զոհվել է

Արմավիրի մարզի Գայ գյուղում գործող ձկնաբուծարանում ապօրինի ջրօգտագործման դեպք է արձանագրվել

Մոլդովան պատերազմի ավարտից հետո կմասնակցի Ուկրաինայի ականազերծման աշխատանքներին. Moldpres

Գևորգ Պապոյանը Մոսկվայում կմասնակցի ԵԱՏՄ խորհրդակցությունների

ԱԺ նախագահն առաջարկել է Արսեն Գևորգյանի մահվան դեպքը քննարկել առանց քաղաքական շահարկումների