1 րոպեի ընթերցում
ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Հայկական CodeSignal ընկերությունը տեխնոլոգիական նոր ապրանքներ ներկայացնող Product Hunt-ում ներկայացրել է նոր պրոդուկտ՝ CodeSignal Learn-ը, որը պայքարում է օրվա պրոդուկտ դառնալու համար։
«Արմենպրես»-ի հաղորդմամբ՝ պրոդուկտի օգտին հնարավոր է քվեարկել, փորձարկել, արձագանք թողնել այստեղ։
CodeSignal Learn-ը պրակտիկայի վրա հիմնված ուսուցման հարթակ է: Cosmo-ի՝ արհեստական բանականությամբ (AI) աշխատող ուսուցչի և օգնականի աջակցությամբ օգտատերերը կարող են ստանալ նպատակային ուսուցում, արագ օգնություն բարդ խնդրի առաջ կանգնելու դեպքում, ինչպես նաև ամբողջ ուսումնական պրոցեսի ընթացքում:
Product Hunt-ն օգնում է ծրագրային ապահովմամբ զբաղվող կազմակերպություններին բարելավել հաշվարկի գործընթացն ու հաջողությամբ իրականացնել նախագծերը։