Հունգարիան պատրաստակամ է ինտենսիվացնել Հայաստանի հետ հարաբերությունները. Հունգարիայի նախագահ

2 րոպեի ընթերցում

ԲՈՒԴԱՊԵՇՏ, 6 ՓԵՏՐՎԱՐԻ, ԱՐՄԵՆՊՐԵՍ: Հունգարիայի նախագահ Կատալին Նովակը հուսով է, որ Հայաստանը և Հունգարիան կկարողանան հարաբերություններն ավելի ինտենսիվացնել և համագործակցության շոշափելի արդյունքի հասնել: Ինչպես տեղեկացնում է «Արմենպրես»-ի թղթակիցը, Նովակն այս մասին հայտարարեց Հայաստանի նախագահ Վահագն Խաչատուրյանի հետ ասուլիսի ժամանակ:

Նա ողջունեց նախագահ Վահագն Խաչատուրյանին Բուդապեշտում՝ ընդգծելով, որ իրենց համար մեծ պատիվ է, որ Հայաստանի նախագահը այցելել է Հունգարիա պաշտոնական այցով:

«Մենք մի քանի առիթ ունեցել ենք հանդիպել, հնարավորություն ենք ունեցել քննարկել տարբեր հարցեր, բայց սա ՀՀ ներկայիս նախագահի առաջին պաշտոնական այցն է Հունգարիա, և ես շատ ուրախ եմ, որ նա ընդունել է մեր հրավերը: Վերջին անգամ 2009 թվականի նոյեմբերին ենք ունեցել Հայաստանի նախագահի այց, իսկ քաղաքական համակարգի փոփոխությունից հետո սա առաջին անգամն է, որ նախագահը այցելում է Հունգարիա: Հուսով եմ, որ կկարողանանք այս միտումը փոխել և մեր հարաբերություններն ավելի ինտենսիվացնել, ավելի շատ պաշտոնական այցեր ունենալ երկու երկրների միջև: Մեր կողմից պատրաստակամություն կա և ես հուսով եմ, որ ձեր կողմից այն նույնպես կա»,- ասաց Նովակը:

Հունգարիայի նախագահը Հայաստանի հետ հարաբերությունների վերականգնումը պատմական համարեց:

«Պետք է հասկանանք մեր դիվանագիտական հարաբերությունների բովանդակությունը, որպեսզի կարողանանք լուծել բոլոր նախկինում եղած թյուրիմացությունները: Երկու երկրների միջև կա շոշափելի քննարկում, և երկուս երկրներն էլ հետաքրքրված են միմյանց ավելի լավ հասկանալ, ընկալել: Երկրներն արդեն իսկ երկու հուշագրեր են ստորագրել, որը վկայում է, որ մենք պատրաստակամ ենք համագործակցել»,- նշեց Նովակը:

Հայերեն English فارسی Français Русский 中文

Վահան Կոստանյանը հանդիպել է Պաղեստինի արտաքին գործերի և սփյուռքի նախարարի հետ

Լևոն Աբրահամյանը՝ Հայաստանի նկարիչների միության նոր նախագահ

Իրանի դեմ վերջերս տեղի ունեցած երկու պատերազմների ընթացքում զոհվել է առնվազն 428 երեխա և դեռահաս

Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ

ԻՀՊԿ-ն հայտնել է Հորմուզի նեղուցի մոտակայքում 58-րդ ամերիկյան MQ-9 ԱԹՍ-ը խոցելու մասին

Հայաստանում կստեղծվի կիբեռանվտանգության կամպուս. ծրագիրը կիրականացվի Ֆրանսիայի և ԵՄ-ի աջակցությամբ

Կայացավ ՀՆՄ 21-րդ համագումարը

Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն

Հունաստանի ամենահեղինակավոր Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես

«Վայլդբերրիզ» ՍՊԸ-ի գլխավոր տնօրենի փոփոխությունը չի ազդում ընկերության գործառնական գործունեության վրա