Կառավարությունը ՀԾԿՀ նախագահի պաշտոնում կրկին կառաջադրի Գարեգին Բաղրամյանին

ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ։ Կառավարությունը Հայաստանի Հանրապետության հանրային ծառայությունները կարգավորող հանձնաժողովի նախագահի պաշտոնում կրկին կառաջադրի Գարեգին Բաղրամյանի թեկնածությունը։ «Արմենպրես»-ի հաղորդմամբ՝ հարցը Հայաստանի կառավարության փետրվարի 1-ի նիստի օրակարգում է։

Գարեգին Բաղրամյանը ՀՀ հանրային ծառայությունները կարգավորող հանձնաժողովի նախագահի պաշտոնում է 2019 թվականի ապրիլի 19-ից։

Հանձնաժողովի նախագահի թափուր պաշտոնում թեկնածու առաջադրելու իրավունք ունի Կառավարությունը, իսկ նշանակում է Ազգային ժողովը։