1 րոպեի ընթերցում
ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: ԱՄՆ պետքարտուղարի քաղաքական հարցերով տեղակալ Վիկտորիա Նուլանդը խոսել է իր՝ Թուրքիա այցի նպատակների մասին:
Ինչպես հաղորդում է «Արմենպրես»-ը, Նուլանդը թեմայի մասին խոսել է CNN Türk-ի հետ զրույցում:
«Պատահական չէ, որ ես այստեղ եմ հենց այն բանից հետո, երբ Թուրքիան վավերացրեց Շվեդիայի անդամակցությունը ՆԱՏՕ-ին։ Ինչպես գիտեք, Շվեդիայի և Ֆինլանդիայի անդամակցությամբ մենք երկու նոր երկիր ենք ավելացնում ՆԱՏՕ-ին։ Սա ամրապնդում է մեր դաշինքը»,- ընդգծել է նա։
«Այսպիսով, այն քայլերից մեկը, որ Բլինքենն ինձ խնդրել է անել, մեր հարաբերությունների մյուս ասպեկտների ակտիվացումն է և 2024 թվականի անելիքների շուրջ քննարկմանը վերադառնալը, ներառյալ հուլիսին Վաշինգտոնում կայանալիք ՆԱՏՕ-ի գագաթնաժողովի նախապատրաստումը»,- հավելել է նա:
Նա նշել է, որ սա շատ լավատեսական այց է, քանի որ կողմերը վերադառնում են հարաբերություններում լիարժեք համատեղ աշխատանքի: