1 րոպեի ընթերցում
ԵՐԵՎԱՆ, 26 ՀՈՒՆՎԱՐԻ, ԱՐՄԵՆՊՐԵՍ: Թուրքիայի նախագահ Ռեջեփ Թայիփ Էրդողանը հույս է հայտնել, որ ԱՄՆ Կոնգրեսը կհաստատի F-16 կործանիչների վաճառքը:
Ինչպես հաղորդում է «Արմենպրես»-ը, այդ մասին հայտնել է Hurriyet-ը:
«Խոստման հիման վրա մեր խորհրդարանը ձայների ճնշող մեծամասնությամբ ընդունեց ՆԱՏՕ-ին Շվեդիայի անդամակցության արձանագրությունը: Ես ստորագրեցի այն և այն նույն օրը երեկոյան հրապարակվեց: Բայդենը նամակ է ուղարկել Ներկայացուցիչների պալատ: Հուսով եմ, որ այնտեղից պատասխան կլինի, որը կխթանի F-16 մատակարարումները Թուրքիային»-նշել է Էրդողանը: