1 րոպեի ընթերցում
ԵՐԵՎԱՆ, 26 ՀՈՒՆՎԱՐԻ, ԱՐՄԵՆՊՐԵՍ: Ստամբուլում հունվարի 26-ին կայացել է Մեծ Բրիտանիայի արտգործնախարար Դևիդ Քեմերոնի և Թուրքիայի արտգործնախարար Հաքան Ֆիդանի հանդիպումը:
Ինչպես հաղորդում է «Արմենպրես»-ը, այդ մասին հայտնել է Թուրքիայի արտգործնախարարությունը:
Հանդիպման կողմերը քննարկել են Սև ծովում անվտանգության ապահովման, տարբեր ոլորտներում երկկողմ հարաբերություններին առնչվող հարցեր։
«Հանդիպման ընթացքում նշվել է Սև ծովում անվտանգության ապահովման կարևորությունը։ Նախարարները հաստատել են իրենց վճռականությունը՝ ամրապնդելու Թուրքիայի և Մեծ Բրիտանիայի միջև երկկողմ հարաբերությունները բոլոր ոլորտներում, հատկապես առևտրի, տնտեսության և պաշտպանական արդյունաբերության ոլորտներում»,- հայտնել են Թուրքիայի ԱԳՆ-ից։