Երևանի քաղաքապետը հանդիպել է ծրագրային ապահովման համաշխարհային DataArt ընկերության երիտասարդների հետ
1 րոպեի ընթերցում
ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: Երիտասարդների հետ հանդիպումներն ու քննարկումները կարևոր են համայնքի կառավարման և զարգացման համար: Կարևոր է լսել նրանց կարծիքներն ու պատկերացումները Երևանի հետ կապված, որոնք, վստահաբար, հաշվի են առնվելու հետագա նախագծերում: «Արմենպրես»-ի հաղորդմամբ՝ «Ֆեյսբուք»-ի իր էջում այս մասին գրել է Երևանի քաղաքապետ Տիգրան Ավինյանը։
«Հենց այս համատեքստում էլ, այսօր հանդիպում ունեցա DataArt համաշխարհային ծրագրային ապահովման ընկերության երիտասարդների հետ»,- նշել է նա՝ հավելելով, որ ինֆորմատիվ և մտերմիկ միջավայրում քննարկվել են ՏՏ լուծումները երևանյան կյանքի տարբեր ոլորտներում: