Հայտնի են 75-րդ «Էմմի» մրցանակաբաշխության հաղթողները

3 րոպեի ընթերցում

ԵՐԵՎԱՆ, 16 ՀՈւՆՎԱՐԻ, ԱՐՄԵՆՊՐԵՍ: Լոս Անջելեսում տեղի է ունեցել «Էմմի» հեռուստատեսային մրցանակաբաշխության 75-րդ արարողությունը, հաղորդում է «Արմենպրես»-ը՝ վկայակոչելով տարբեր ԶԼՄ-ների հրապարակումներ:

«Ժառանգները» սերիալը, ինչպես և 2022 թվականին, պարգևին արժանացել է որպես լավագույն դրամատիկական սերիալ։ Կիրան Կալկինը և Սառա Սնուքը, որոնք նկարահանվել են սերիալում, «Էմմի» են ստացել լավագույն գլխավոր դերերի համար, իսկ Մեթյու Մաքֆեդյենը՝ երկրորդ պլանի լավագույն դերի համար։ Բացի այդ, դրամատիկական սերիալի լավագույն ռեժիսուրայի համար մրցանակն ստացել է Մարկ Մայլոդը, իսկ լավագույն սցենարի համար՝ Ջեսսի Արմսթրոնգը։

«Լավագույն կատակերգական սերիալ» անվանակարգում հաղթել է «Արջը»։ Կատակերգական լավագույն դերի համար պարգևն ստացել է Ջերեմի Ալեն Ուայթը, իսկ երկրորդ պլանի դերի համար՝ Էբոն Մոս Բաքրաքը և Այո Էդեբիրին. երեքն էլ խաղացել են «Արջը» սերիալում։ Քրիստոֆեր Սթորերն այս սերիալի վրա իր աշխատանքի համար ստացել է երկու մրցանակ՝ լավագույն ռեժիսուրայի և լավագույն սցենարի համար։

Կատակերգական սերիալում լավագույն գլխավոր դերակատարուհի է ճանաչվել Քվինտա Բրանսոնը («Էբոթի տարրական դպրոցը»): Երկրորդ պլանի լավագույն դրամատիկական դերի համար «Էմմի»-ն ստացել է դերասանուհի Ջենիֆեր Քուլիջը («Ճերմակ լոտոս»): Մինի սերիալում լավագույն գլխավոր դերերի համար մրցանակները շնորհվել են Սթիվեն Յոնին և Էլի Վոնգին («Գզվռտոց»);

Բացի այդ, Disney+-ում իր հրաժեշտի համերգի համար «Էմմի» մրցանակի է արժանացել սըր Էլթոն Ջոնը, ինչի շնորհիվ նա ստանում է EGOT («Էմմի», «Գրեմմի», «Օսկար» և «Թոնի» մրցանակների անունով) կարգավիճակ։

«Էմմի» հեռուստատեսային մրցանակաբաշխության արարողությունը պետք է տեղի ունենար 2023 թ. սեպտեմբերին, սակայն այն 4 ամսով հետաձգվել էր ԱՄՆ-ում սցենարիստների և դերասանների գիլդիայի գործադուլի պատճառով։ Սա առաջին հետաձգումն է 2001 թվականին ԱՄՆ-ում իրականացված ահաբեկչություններից ի վեր:

Հայերեն

Ազգային ժողովի Հայաստան-Ֆինլանդիա, Նորվեգիա բարեկամական խմբի անդամները հանդիպել են ՀՀ-ում Ֆինլանդիայի դեսպանին

Հաագայի դատարանը հերթական դատավճիռն է կայացրել Կոսովոյի ալբանացի զինյալների նախկին առաջնորդի նկատմամբ

Ուժեղ պայթյուն է որոտացել իրանական Քեշմ կղզու մոտակայքում

Դավիթ Խուդաթյանը հանդիպումներ է ունեցել Իրանի փոխնախագահի, էներգետիկայի և նավթի նախարարների հետ

Արդարադատության նախարարի տեղակալն ընդունել է ՄԱԿ-ի Փախստականների հարցերով գերագույն հանձնակատարի հայաստանյան գրասենյակի ղեկավարին

Սերբիայում ռազմական ինքնաթիռ է կործանվել․ օդաչուն զոհվել է

Արմավիրի մարզի Գայ գյուղում գործող ձկնաբուծարանում ապօրինի ջրօգտագործման դեպք է արձանագրվել

Մոլդովան պատերազմի ավարտից հետո կմասնակցի Ուկրաինայի ականազերծման աշխատանքներին. Moldpres

Գևորգ Պապոյանը Մոսկվայում կմասնակցի ԵԱՏՄ խորհրդակցությունների

ԱԺ նախագահն առաջարկել է Արսեն Գևորգյանի մահվան դեպքը քննարկել առանց քաղաքական շահարկումների